ଭିଜିଲାନ୍ସ ଜାଲରେ RI

ଢେଙ୍କାନାଳ (ବଡ଼ ଖବର ବ୍ୟୁରୋ): ଭିଜିଲାନ୍ସ ଜାଲରେ ରାଜସ୍ୱ ନିରୀକ୍ଷକ ଶଶିଭୂଷଣ ବେହେରା। ହିନ୍ଦୋଳ ବ୍ଲକ ଗଣ୍ଡାନାଳୀ ରାଜସ୍ବ ନୀରିକ୍ଷକ ଶଶିଭୂଷଣ ବେହେରା ଏବଂ ତାଙ୍କ ପ୍ରାଇଭେଟ୍ ପିଅନ ବିଷ୍ଣୁ ଭୂଷଣ ଖଟୁଆଙ୍କୁ କାବୁ କଲା ଭିଜିଲାନ୍ସ।୪ଟି ଜାଗାବାଡି କିସମ ପରିବର୍ତ୍ତନ ପାଇଁ ୬୦ ହଜାର ଟଙ୍କା ଲାଞ୍ଚ ନେବାବେଳେ ଢେଙ୍କାନାଳ ଭିଜିଲାନ୍ସ ହାତରେ ଧରାପଡିଲେ। ଏକା ସାଙ୍ଗରେ ୩ଟି ଜାଗାରେ ରେଡ ଚାଲିଥିବା ସୂଚନା ମିଳୁଛି । ଢେଙ୍କାନାଳ ଖଙ୍କର ଠାରେ ଥିବା ପୈତୃକ ଘର ସମେତ ଢେଙ୍କାନାଳ ସତସଙ୍ଗ ବିହାର ଠାରେ ରହୁଥିବା ଘରେ ଚାଲିଛି ଭିଜିଲାନ୍ସର ତନାଘନା। ଏହା ବ୍ୟତୀତ ହିନ୍ଦୋଳ ତହସିଲ ଅଫିସ୍ କାର୍ଯ୍ୟାଳୟରେ ଭିଜିଲାନ୍ସ ପକ୍ଷରୁ କାଗଜ ପତ୍ର ଯାଞ୍ଚ କରାଯାଉଥିବା ସୂଚନା।