ନବମୀ ଓ ଭସାଣିରେ ଖୋଲା ରହିବ ଆରଟିଓ ଅଫିସ

କଟକ, (ବଡ଼ ଖବର ବ୍ୟୁରୋ): ଗାଡ଼ିଗୁଡ଼ିକର ନୂତନ ପଞ୍ଜୀକରଣ ନିମନ୍ତେ ସରକାର ଗୁରୁତ୍ଵ ଦେଇଛନ୍ତି। ଆସନ୍ତା ୨୫ ତାରିଖ ରବିବାର ଦଶହରା ପଡ଼ୁଥିବାବେଳେ ୨୪ ତାରିଖ ନବମୀ ଓ ୨୬ ତାରିଖ ଏକାଦଶୀ ପଡ଼ୁଛି। ଏହି ଦିନ ସରକାରୀ ଅଫିସଗୁଡ଼ିକ ଛୁଟି ଥିବାବେଳେ ଆରଟିଓ ଅଫିସ କିନ୍ତୁ ଖୋଲା ରହିବ। ତେବେ ଏହି ଦୁଇଦିନ କେବଳ ଦୁଇ ଘଣ୍ଟା ପାଇଁ ଅଫିସ୍ ଖୋଲା ରହିବ। ଆଞ୍ଚଳିକ ପରିବହନ ଅଫିସରେ କର୍ମଚାରୀ କାର୍ୟ୍ୟ କରିବେ। ପୂର୍ବରୁ କରୋନା ଲକଡାଉନ୍ ପାଇଁ ଗାଡ଼ି ମାଲିକ ପଞ୍ଜୀକରଣ ଲାଗି ନାହିଁ ନ ଥିବା ଅସୁବିଧାର ସମ୍ମୁଖୀନ ହୋଇଥିଲେ। ତେଣୁ ଦଶହରାରେ ଲୋକେ ଯେପରି ଅସୁବିଧାର ସମ୍ମୁଖୀନ ନ ହୁଅନ୍ତି ସେଥିପାଇଁ ଆଞ୍ଚଳିକ ପରିବହନ ଅଫିସ ଖୋଲା ରଖିବାକୁ ରାଜ୍ୟ ପରିବହନ କମିଶନର ନିର୍ଦ୍ଦେଶ ଦେଇଛନ୍ତି।