ଅମିତ ଶାହଙ୍କର ସିକ୍ରେଟ ମିଟିଂ ପରେ ରୂପାଣୀ ଦେଲେ ଇସ୍ତଫା
ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ଗୁଜରାଟ ମୁଖ୍ୟମନ୍ତ୍ରୀଙ୍କ ଇସ୍ତଫାକୁ ସହଜରେ ବିରୋଧୀ ଦଳ ହଜମ କରିପାରୁ ନାହାଁନ୍ତି । କେନ୍ଦ୍ର ଗୃହମନ୍ତ୍ରୀ ଅମିତ ଶାହଙ୍କ ନିକଟତର କୁହାଯାଉଥିବା ବିଜୟ ରୂପାଣୀ ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେବା ସମସ୍ତଙ୍କୁ ଚକିତ କରିଦେଇଛି । ଏହା ମଧ୍ୟରେ ଆଉ ଏକ ତଥ୍ୟ ସାମ୍ନାକୁ ଆସିଛି । ତେବେ ଅମିତ ଶାହାଙ୍କ ଗୁଜରାଟ ଗସ୍ତ ପରେ ହିଁ ଏସବୁ ହୋଇଥିବାର ସୂଚନା ମିଳିଛି । କେନ୍ଦ୍ର ଗୃହମନ୍ତ୍ରୀ ଅମିତ ଶାହ ଅଚାନକ ଶୁକ୍ରବାର ରାତିରେ ଗୁଜୁରାଟ ଗସ୍ତ କରିଥିଲେ । ଏବଂ ସକାଳୁ ପୁଣି ଦିଲ୍ଲୀ ଫେରିଆସିଥିବାର ସୂଚନା ମିଳିଛି ।
ଇତି ମଧ୍ୟରେ ବିଜୟ ରୂପାନୀଙ୍କ ଇସ୍ତଫା ପଛରେ ଅମିତ ଶାହାଙ୍କର ହଠାତ ଗୁଜରାଟ ଗସ୍ତ ରହିଛି ବୋଲି ଅନୁମାନ କରାଯାଉଛି । ଏପରିକି ଏହି ଗସ୍ତ ବିଷୟରେ ଗୁଜରାଟର ଅନେକ ବିଧାୟକ ଏବଂ ମନ୍ତ୍ରୀଙ୍କୁ ମଧ୍ୟ ସୁରାକ ମିଳିନଥିଲା । ଅନ୍ୟପଟେ ବିଜୟ ରୂପାଣୀଙ୍କ ଇସ୍ତଫା ପଛର ମୂଳ କାରଣଟି ଏପର୍ଯ୍ୟନ୍ତି ଜଣାପଡ଼ିନାହିଁ । ଏନେଇ ଦଳ ପକ୍ଷରୁ କୌଣସି ସୂଚନା ପ୍ରଦାନ କରାଯାଇ ନାହିଁ ।