ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଦେଶରେ ସମଲିଙ୍ଗୀ ବିବାହ ମାମଲା । ଏପ୍ରିଲ ୧୮କୁ ଘୁଞ୍ଚିଲା ଶୁଣାଣି । ୫ ଜଣିଆ ଖଣ୍ଡପୀଠରେ ଶୁଣାଣି କରିବେ ସୁପି୍ରମକୋର୍ଟ । ସୁପ୍ରିମକୋର୍ଟରେ ଦାଖଲ କରିଥିବା ସତ୍ୟପାଠରେ କେନ୍ଦ୍ର ସରକାର ଉଲ୍ଲେଖ କରିଥିଲେ ଯେ ସମଲିଙ୍ଗୀ ବିବାହକୁ ପାରିବାରିକ ବ୍ୟବସ୍ଥାର ବିରୋଧୀ । ସୋମବାର ଏହି ମାମଲାର ଶୁଶାଣି ପାଇଁ ଧାର୍ୟ୍ୟ ହୋଇଥିଲା ।କିନ୍ତୁ ସର୍ବୋଚ୍ଚ ଅଦାଲତ ସମଲିଙ୍ଗୀ ବିବାହ ସମ୍ପର୍କିତ ଆବେଦନକୁ ସାମ୍ବିଧାନିକ ବେଞ୍ଚକୁ ପଠାଇ ଦେଇଛନ୍ତି ।
ଏପ୍ରିଲ ୧୮ ତାରିଖରେ ହେବାକୁଥିବା ଶୁଣାଣିର ସିଧାପ୍ରସାରଣ ୱେବସାଇଟ୍ ଓ ୟୁଟ୍ୟୁବରେ ହେବ । ବର୍ତ୍ତମାନ ସମଲିଙ୍ଗୀ ବିବାହକୁ ମାନ୍ୟତା ଦେବା ପାଇଁ ହୋଇଥିବା ଆବେଦନର ଶୁଣାଣି ୩ଜଣିଆ ଖଣ୍ଡପୀଠ କରୁଥିଲେ । କିନ୍ତୁ ଏବେ ଏହାର ଶୁଣାଣି ୫ଜଣିଆ ସାମ୍ବିଧାନିକ ଖଣ୍ଡପୀଠ କରିବେ ।
