Before Header

ତାଲିବାନ ଆତଙ୍କ, ଖାଦ୍ୟ ଅଭାବରୁ ଆଫଗାନିସ୍ତାନରେ ହାହାକାର

0 56

ଭୁବନେଶ୍ୱର(ବଡ଼ ଖବର ବ୍ୟୁରୋ): ଆତଙ୍କବାଦୀ ସଂଗଠନ ତାଲିବାନ ଆଫଗାନିସ୍ତାନ ଅଧିକାର କରିବା ପରେ ସାଧାରଣ ଲୋକଙ୍କ ଜୀବନଯାତ୍ରା ଦୁର୍ବିସହ ହୋଇପଡିଛି । ବିଶେଷ କରି ଖାଦ୍ୟ ବିନା ଲୋକେ ହନ୍ତସନ୍ତ ହେଉଛନ୍ତି । ଏଭଳି ସଙ୍କଟ ସମୟରେ ସାଧାରଣ ଲୋକଙ୍କୁ ରକ୍ଷା କରିବା ପାଇଁ ମାନବିକତା ଦୃଷ୍ଟିରୁ ନାଟୋ ଦେଶମାନେ ଆଗେଇ ଆସିଛନ୍ତି । ଆଫଗାନିସ୍ତାନ ସୀମାକୁ ଲାଗିରହିଥିବା ଦେଶଗୁଡିକ ସେମାନଙ୍କର ସୀମାନ୍ତ ଖୋଲା ରଖିବାକୁ ପରାମର୍ଶ ଦେଇଛନ୍ତି । ତାଲିବାନ ଶାସନରେ ଲୋକଙ୍କ ସମସ୍ୟା ଦ୍ୱିଗୁଣିତ ହେଉଥିବାରୁ ଆଫଗାନବାସୀଙ୍କୁ ପଡୋଶୀମାନେ ଶରଣ ଦେବାର ଆବଶ୍ୟକତା ରହିଛି ବୋଲି ନାଟୋ ଦେଶ ସମୂହ କହିଛନ୍ତି ।

ଇରାନ୍, ପାକିସ୍ତାନ, ତାଜକିସ୍ତାନ ନାଗରିକମାନଙ୍କୁ ସେମାନଙ୍କର ସରକାର ସ୍ୱଦେଶ ଫେରାଇ ନେଇ ସାରିଲେଣି । ଏବେ ଆଫଗାନିସ୍ତାନର ମିଲିୟନରୁ ଅଧିକ ଲୋକ ଖାଦ୍ୟାଭାବରୁ ବିଭିନ୍ନ ରୋଗରେ ଆକ୍ରାନ୍ତ ହେଲେଣି । ଅଗଷ୍ଟ ୩୧ ସୁଦ୍ଧା ଆମେରିକା ତା’ର ସୈନ୍ୟ ଓ ନାଗରିକମାନଙ୍କୁ ଫେରାଇ ନେବ ବୋଲି ରାଷ୍ଟ୍ରପତି ଜୋ ବାଇଡେନ୍ ଦୋହରାଇଛନ୍ତି । ଏଥିରେ ତାଲିବାନ ପ୍ରତିବନ୍ଧକ ସୃଷ୍ଟି କଲେ ପରିଣତି ଭୟଙ୍କର ହେବ ବୋଲି ହ୍ୱାଇଟ୍ ହାଉସ୍ ପକ୍ଷରୁ କୁହାଯାଇଛି ।

Leave A Reply

Your email address will not be published.