ରାସନ ଚାଉଳରେ ଘୋଟାଲା, ଏରସମା ବ୍ଲକ ସମ୍ମୁଖରେ ୮ ନଂ ୱାର୍ଡବାସୀଙ୍କ ଧାରଣା

ଏରସମା(ବଡ଼ ଖବର ବ୍ୟୁରୋ): ରାସନ ଚାଉଳରେ ଘୋଟାଲା ଏରସମା ବ୍ଲକ ସମ୍ମୁଖରେ ୮ ନଂ ୱାର୍ଡବାସୀଙ୍କ ଧାରଣା । କେନ୍ଦ୍ର ସରକାର ପକ୍ଷରୁ ୫ବର୍ଷ ମାଗଣା ରାସନ ଚାଉଳ ଦେବା ପାଇଁ ପ୍ରଧାନମନ୍ତ୍ରୀ ଘୋଷଣା କରିଥିଲେ । କିନ୍ତୁୁ ଏରସମା ବ୍ଲକ ଅନ୍ଧାରି ପଞ୍ଚାୟତର କଢାକଣ ଗ୍ରାମର ୮ଟି ଓ୍ବାର୍ଡ ବାସୀ ୪ମାସ ହେବ ପାଇନାହାନ୍ତି ରାସନ୍ ଚାଉଳ ।

ଯାହାକୁ ନେଇ ଏରସମା ବ୍ଲକ ସମ୍ମୁଖରେ ଶତାଧିକ ମହିଳା ପୁରୁଷ ଧାରଣା ଦେଇଛନ୍ତି । ବାଲିକୁଦା ଏରସମା ନିର୍ବାଚନମଣ୍ଡଳୀର ବିଜେପି ଯୁବନେତା ସତ୍ୟ ସାରଥି ମହାନ୍ତି ଧାରଣାରେ ଯୋଗଦେଇ ହିତାଧିକାରୀଙ୍କ କଥା ବୁଝିବା ସହିତ ବ୍ଲକ ବିଡ଼ିଓ ଲମ୍ବୋଦର ଖୁଣ୍ଟିଆଙ୍କ ସହିତ ଆଲୋଚନା କରିଥିଲେ । ବିଡ଼ିଓ ଓ ବିଭାଗୀୟ ଅଧିକାରୀଙ୍କ ସହିତ ଆଲୋଚନା କରି ହିତାଧିକାରୀଙ୍କ କଥା ବୁଝାହେବ ବୋଲି କହିଛନ୍ତି।