ବିଦ୍ୟାଳୟ ପାଲଟିଛି ଗୋଦାମଗୃହ

ଜଗତସିଂହପୁର(ବଡ଼ ଖବର ବ୍ୟୁରୋ); ବିଦ୍ୟାଳୟ ଗୃହ ପାଲଟିଛି ଗୋଦାମ ଗୃହ । ଧାନ ଗୋଦାମ କରି ମାଲାମାଲ ହେଉଛନ୍ତି ବେପାରୀ ଓ ପ୍ରଶାସନିକ ଅଧିକାରୀ । ଏଭଳି ଦୃଶ୍ୟ ଦେଖିବାକୁ ମିଳିଛି ନାଉଗାଁ ବ୍ଳକ ଅଧିନସ୍ଥ ଘୋଡାଶଂ ପଞ୍ଚାୟତର ଦାନ୍ତୁଆଳ ଗା୍ରମର ପ୍ରାଥମିକ ବିଦ୍ୟାଳୟରେ । ୨୦ରୁ କମ୍ ଉପସ୍ଥାନ ଥିବା ସ୍କୁଲକୁ ନିକଟସ୍ଥ ଅଧିକ ଉପସ୍ଥାନ ଥିବା ବିଦ୍ୟାଳୟରେ ମିଶ୍ରଣ ପାଇଁ ଗଣ ଶିକ୍ଷାବିଭାଗ ପକ୍ଷରୁ ନିଦେ୍ର୍ଦଶ ଦିଆଯାଇଛି । ଜଗତସିଂହପୁର ଜିଲ୍ଲା ନାଉଗାଁ ବ୍ଳକର ପ୍ରାଥମିକ ବିଦ୍ୟାଳୟ ଗୁଡିକୁ ଅନ୍ୟ ସ୍କୁଲ ସହ ମିଶ୍ରଣ କରିବା ଫଳରେ ସେହି ସ୍କୁଲ ଗୁଡିକ ବନ୍ଦ ରହିଥିଲା । ତେବେ ଏହାର ସୁଯୋଗ ନେଇ କିଛି ଅସାମାଜିକ ବ୍ୟକ୍ତି ପ୍ରଶାସନିକ ଅଧିକାରୀଙ୍କୁ ହାତ କରି ଦାନ୍ତୁଆଳ ପ୍ରାଥମିକ ବଦ୍ୟାଳୟକୁ ଧାନ ଗୋଦାମ ଗୃହ କରି ବ୍ୟବସାୟ କରୁଛନ୍ତି । ତେବେ ଏହାକୁ ବ୍ଳକ ଶିକ୍ଷାଧିକାରୀ ଖଣ୍ଡନ କରିଛନ୍ତି । ତେବେ କାହା ପରାମର୍ଶରେ ସ୍କୁଲ ଘରକୁ ଧାନ ଗୋଦାମ ଘର କରାଯାଇଛି ତାହା ଏବେ ପ୍ରଶ୍ନବାଚୀ ।