‘କୋମଳମତି ଶିଶୁଙ୍କୁ ଦିଆ ଯିବନି ନିମ୍ନମାନର ଖାଦ୍ୟ’
ବାସୁଦେବପୁର (ବଡ଼ ଖବର ବ୍ୟୁରୋ): ସ୍କୁଲ ଘେରିଗଲେ ଗ୍ରାମବାସୀ । ସଭିଙ୍କ ମଧ୍ୟରେ ଉତ୍ତେଜନା । କୋମଳମତି ଶିଶୁଙ୍କୁ ଦିଆ ଯିବନି ଅସୁରକ୍ଷିତ ଓ ନିମ୍ନମାନର ଖାଦ୍ୟ । ଏମିତି ଅଭିଯୋଗ ହୋଇଛି ବାସୁଦେବପୁର ପୌରପାଳିକାର ରାଧାକାନ୍ତ ଆଡିଆ ଗ୍ରାମର ଦିବାକର ମିଶ୍ର ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟରେ । ଗତକାଲି ମଧ୍ୟାହ୍ନ ଭୋଜନରେ ଏକ ଜୋକ ବାହାରିବାରୁ ଅଧାରୁ ଖାଦ୍ୟକୁ ଫୋପାଡି ଦେଇଥିଲେ । ବିଦ୍ୟାଳୟରେ ଉପସ୍ଥାନ ହାର ବଢାଇବା ପାଇଁ ସରକାର ମଧ୍ୟାହ୍ନ ଭୋଜନ ଦେଉଛନ୍ତି ।
ବାସୁଦେବପୁର ପୌରପାଳିକାର ମଧ୍ୟହ୍ନ ଭୋଜନ ଖାଦ୍ୟ ପ୍ରଦାନ କରୁଛନ୍ତି ଦାମୋଦର ଜୀଉ ସେବା ସଂସ୍ଥା । ମଧ୍ୟାହ୍ନ ଭୋଜନରେ ଛାତ୍ରଛାତ୍ରୀଙ୍କୁ ପୁଷ୍ଟିକର ଖାଦ୍ୟ ଯୋଗାଇ ଦିଆଯାଉଅଛି । ରାଧାକାନ୍ତପୁର ଆଡିଆ ବୁଢୀ ମନ୍ଦାରୁଣୀ ନିକଟସ୍ଥ ଦିବାକର ମିଶ୍ର ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟର ଆଣିଛନ୍ତି ଭିନ୍ନ ଅଭିଯୋଗ । ଛାତ୍ରଛାତ୍ରୀମାନେ ମଧ୍ୟାହ୍ନ ଭୋଜନ ଖାଇବା ସମୟରେ ଥାଳିରୁ ଜୋକ ବାହାରିବାରୁ ମଧ୍ୟାହ୍ନ ଭୋଜନ ଗାଡିକୁ ଅଟକାଇ ରଖିଛନ୍ତି । ମଧ୍ୟାନ୍ନରେ ଛାତ୍ରଛାତ୍ରୀଙ୍କୁ ଏସଏମସି ପକ୍ଷରୁ ବିସ୍କୁଟ ବଣ୍ଟନ କରିଛନ୍ତି ।
ଚତୁର୍ଥ ଶ୍ରେଣୀର ଛାତ୍ରୀ ସ୍ବାଗତିକା ମଳିକ ଥାଳିରୁ ଜୋକ ବାହାରିଥିବା ଭାରପ୍ରାପ୍ତ ପ୍ରଧାନଶିକ୍ଷକ କହିଛନ୍ତି । ଜୋକଟି କେମିତି ଆସିଲା ଓ କେଊଁଠୁ ଆସିଲା ତାକୁ ନେଇ ଆରୋପ ପ୍ରତ୍ୟାରୋପ ଚାଲିଛି । ଏହି ବିଦ୍ୟାଳୟକୁ ମଧ୍ୟାହ୍ନ ଭୋଜନ ପ୍ରଦାନ କରୁଥିବା ଏକ ସଂସ୍ଥା ଜୋକ ବାହାରିବାକୁ ଅସ୍ୱୀକାର କରିଛନ୍ତି ।