ଅଦିନିଆ ବର୍ଷା ଭାଙ୍ଗିଲା ଚାଷୀ ମେରୁଦଣ୍ଡ

ସାହାରାପଡ଼ା (ବଡ଼ ଖବର ବ୍ୟୁରୋ): କେନ୍ଦୁଝର ଜିଲ୍ଲା ସାହାରପଡା ବ୍ଳକ ଖଡିକାପଦା ପଞ୍ଚାୟତ ଓ ଦାମାହୁଦା ପଞ୍ଚାୟତର ବିଭିନ୍ନ ସ୍ଥାନରେ କିଛି ସମୟ ଧରି ପ୍ରବଳ ଘଡ଼ଘଡ଼ି ବର୍ଷା ହେବା ସହ କୁଆପଥର ବର୍ଷା ହୋଇଛି। ହଠାତ୍ ଅଦିନିଆ ବର୍ଷା ଓ କୁଆ ପଥର ଯୋଗୁ କୋବି, ଟମାଟୋ, ବାଇଗଣ, ଲଙ୍କା , ବରକୋଳି, ଆଦି ପନିପରିବା ଫସଲ ନଷ୍ଟ ହୋଇଯାଇଛି। ଫଳରେ ବହୁ ଖର୍ଚ୍ଚାନ୍ତ ଓ ପରିଶ୍ରମ କରି ପନିପରିବା ଚାଷ କରିଥିବା ଗରିବ ଚାଷୀମାନେ କ୍ଷତି ସହୁଛନ୍ତି।

ଅଦିନିଆ ବର୍ଷା ଓ କୁଆ ପଥର ମାଡ଼ରେ ପନିପରିବା ଚାଷ ନଷ୍ଟ ହୋଇ ଯାଇଥିବାରୁ ଚାଷୀମାନେ କ୍ଷତିଗ୍ରସ୍ତ ହୋଇଥିବା ଅଭିଯୋଗ କରିଛନ୍ତି। ଖଡିକାପଦା ପଞ୍ଚାୟତ ଗୋହିରା ସାହିର ବାସୁଦେବ ମହାନ୍ତ ଓ ଦାମାହୁଦା ପଞ୍ଚାୟତ ଗୋଜାପଥର ଗାଁର ହୃଷୀକେଶ ମହାନ୍ତ ଚାଷୀ କହିଛନ୍ତି, ‘ଆମେ କଠିନ ପରିଶ୍ରମ କରିଥିଲୁ ଏବଂ ପନିପରିବା ଚାଷ କରିଥିଲୁ। କିନ୍ତୁ ଏଭଳି ବର୍ଷା ଯୋଗୁ ଅନେକ କ୍ଷତିଗ୍ରସ୍ତ ହୋଇଛନ୍ତି। ତେଣୁ ସରକାର କ୍ଷତିଗ୍ରସ୍ତ ଆକଳନ କରି ଚାଷୀମାନଙ୍କୁ କ୍ଷତିପୂରଣ ଦେବା ପାଇଁ ଦାବି ହୋଇଛି ।