ଘାତକ ହେଉଛି ଏଚ୩ଏନ୨, ପୁଡୁଚେରୀରେ ବନ୍ଦ ହେଲା ସ୍କୁଲ
ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ଘାତକ ହେଉଛି ଏଚ୩ଏନ୨ । ଭାଇରସ୍ ଭୟରେ ବନ୍ଦ ହେଲା ସ୍କୁଲ । ଏଚ୩ଏନ୨ କେସେସ୍ ବୃଦ୍ଧି ପାଉଥିବାରୁ ପୁଡୁଚେରୀରେ ସମସ୍ତ ସ୍କୁଲ ମାର୍ଚ୍ଚ ୧୬ରୁ ମାର୍ଚ୍ଚ ୨୬ ପର୍ଯ୍ୟନ୍ତ ବନ ରହିବ ବୋଲି ଶିକ୍ଷାମନ୍ତ୍ରୀ ଘୋଷଣା କରିଛନ୍ତି । ୧୦ ଦିନ ପର୍ୟ୍ୟନ୍ତ ସ୍କୁଲ ବନ୍ଦ ରଖିବାକୁ ନିଷ୍ପତ୍ତି ନେଇଛନ୍ତି ସ୍ଥାନୀୟ ସରକାର । ଏହି ଭାଇରସ୍ ଛୋଟ ପିଲାଙ୍କ ପାଇଁ ଅଧିକ କ୍ଷତିକାରକ । ୫ ବର୍ଷରୁ କମ୍ ବୟସର ପିଲାଙ୍କୁ ଏହି ଭାଇରସ ଅଧିକ ଆକ୍ରାନ୍ତ କରିବାର ସମ୍ଭାବନା ରହିଥିବା କୁହାଯାଉଛି ।
ଏମିତିକି ୫ ବର୍ଷରୁ କମ୍ ବୟସର ପିଲା ଏହି ଏଚ୩ଏନ୨ ଇନଫ୍ଲୁଏନ୍ଜାରେ ଆକ୍ରାନ୍ତ ହୋଇ ପ୍ରାଣ ହରାଉଛନ୍ତି । ରିପୋର୍ଟ ଅନୁସାରେ, ପୁଡୁଚେରୀରେ ୭୯ଟି ସ୍ୱାଇନ୍ ଫ୍ଲୁ ମାମଲା ରିପୋର୍ଟ କରାଯାଇଥିଲା, ଏପର୍ୟ୍ୟନ୍ତ କୌଣସି ମୃତ୍ୟୁ ଖବର ସାମ୍ନାକୁ ଆସିନାହିଁ । ମାମଲା ଉପରେ ନଜର ରଖିବା ପାଇଁ ଡାକ୍ତରଖାନା ଏବଂ ପ୍ରାଥମିକ ସ୍ୱାସ୍ଥ୍ୟକେନ୍ଦ୍ରରେ ବ୍ୟବସ୍ଥା କରାଯାଇଥିବାରୁ ସାଧାରଣ ଲୋକେ ଭୟଭୀତ ନ ହେବାକୁ ପରାମର୍ଶ ଦେଇଛନ୍ତି।