ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଇଲେକ୍ଟୋରାଲ ବଣ୍ଡକୁ ନେଇ ଅମିତ ଶାହଙ୍କ ବଡ଼ ବୟାନ । କହିଛନ୍ତି, ବିରୋଧୀ ଦଳଗୁଡିକ ମଧ୍ୟ ନିର୍ବାଚନ ବଣ୍ଡ ଜରିଆରେ ଟଙ୍କା ପାଇଛନ୍ତି। କ’ଣ ସେମାନେ ମଧ୍ୟ ଏହାକୁ ବଟି ଆଦାୟ ସହ ତୁଳନା କରିବେ କି ? ଲୋକସଭା ନିର୍ବାଚନ ପୂର୍ବରୁ ବିରୋଧୀ ନିର୍ବାଚନୀ ବଣ୍ଡକୁ ପ୍ରମୁଖ ପ୍ରସଙ୍ଗ କରିଛନ୍ତି।
ଶାହା କହିଛନ୍ତି, ସେମାନଙ୍କ ସହ ଥିବା ଦଳ ଗୁଡିକ ମଧ୍ୟ ବଣ୍ଡ ଜରିଆରେ ଚାନ୍ଦା ପାଇଛନ୍ତି। ଏହା ମଧ୍ୟ କ’ଣ ବଟି? ରାହୁଲ ଗାନ୍ଧୀ ଲୋକଙ୍କୁ କୁହନ୍ତୁ ଯେ ହଁ ଆମେ ମଧ୍ୟ ବଳପୂର୍ବକ ବଟି ଆଦାୟ କରିଛୁ। ଏମ୍ପିଙ୍କ ଅନୁପାତରେ ସେମାନେ ଗ୍ରହଣ କରିଥିବା ଚାନ୍ଦା ଆମଠାରୁ ଅଧିକ। ସେମାନଙ୍କ ପାଖରେ କୌଣସି ପ୍ରସଙ୍ଗ ନାହିଁ। ତେଣୁ ଆମ ଉପରେ ଦୁର୍ନୀତିର ଅଭିଯୋଗ ଆଣୁଛନ୍ତି। ସେମାନେ କେବେ ସଫଳ ହେବେ ନାହିଁ ।
