ପାରଳାଖେମୁଣ୍ଡିରେ ବିଜେପିର ବାଇକ ରାଲି

ପାରଳାଖେମୁଣ୍ଡି (ବଡ଼ ଖବର ବ୍ୟୁରୋ): ଗଜପତି ଜିଲ୍ଲା ପାରଳାଖେମୁଣ୍ଡି ବିଧାନସଭା ନିର୍ବାଚନମଣ୍ଡଳିରେ ବିଜେପିର ବାଇକ ରାଲି ଅନୁଷ୍ଠିତ ହୋଇଯାଇଛି । ଗୋଷାଣି ବ୍ଲକ ଲାବାଣ୍ୟଗଡ ଠାରୁ ଆରମ୍ଭ ହୋଇଥିବା ଏହି ବାଇକ ରାଲିରେ ୧୫୦୦ରୁ ଅଧିକ ବାଇକ ଯୋଗେ ପାରଳାଖେମୁଣ୍ଡି ବିଧାନସଭା ନିର୍ବାଚନ ମଣ୍ଡଳୀର ବିଧାୟକ ପ୍ରାର୍ଥୀ କେ.ନାରାୟଣ ରାଓଙ୍କୁ ଭବ୍ୟ ସମ୍ବର୍ଦ୍ଧନା ଦେଇ ବିଭିନ୍ନ ଗ୍ରାମାଞ୍ଚଳ ଗସ୍ତ କରିଥିବାର ଦେଖିବାକୁ ମିଳିଥିଲା ।

ଲାବାଣ୍ୟଗଡ, ଗାରବନ୍ଧ, ଗୁରାଣ୍ଡି, ଭୁଷୁକୁଡି, ତାଟିପାଟି, ମାଛମରା, ଉପଲଡା, ପାଟିକୋଟା, ବି.ସୀତାପୁର, ଯାଜପୁର ଆଦି ଗ୍ରାମାଞ୍ଚଳ ଦେଇ ପାରଳାଖେମୁଣ୍ଡି ସହରରେ ପହଞ୍ଚିଥିଲା । ପାରଳା ସହର ପରିକ୍ରମା କରିବା ପରେ ବଜାର ଛକ ଠାରେ ଥିବା ମହାରାଜା ଶ୍ରୀ କୃଷ୍ଣଚନ୍ଦ୍ର ଗଜପତି ନାରାୟଣ ଦେବାଙ୍କ ପ୍ରତିମୂର୍ତ୍ତିରେ ପୁଷ୍ପମାଲ୍ୟ ଅର୍ପଣ କରି ଦଳର ପ୍ରଚାର ପ୍ରସାର ପାଇଁ ଉପସ୍ଥିତ କର୍ମୀମାନଙ୍କୁ ଆହ୍ବାନ ଦେଇଥିଲେ । ଏହିକାର୍ଯ୍ୟକ୍ରମରେ ବିପୁଳ ପରିମାଣରେ କର୍ମୀ ଓ ନେତାମାନେ ଯୋଗଦେଇଥିଲେ ।