ଏସଏଚଜି ମହିଳାଙ୍କୁ ବିଜେଡି ସଭାକୁ ନ ଯିବାକୁ ଧମକ
କୋରେଇ (ବଡ଼ ଖବର ବ୍ୟୁରୋ): ରାଜ୍ୟରେ ଆସନ୍ତାକାଲି ପଡ଼ିବ ତୃତୀୟ ପର୍ଯ୍ୟାୟ ଭୋଟ୍, ଏଥିପାଇଁ ଗତକାଲି ସରିଛି ପ୍ରଚାର। ଶେଷ ଦିନରେ ତିନି ପ୍ରମୁଖ ଦଳ ପ୍ରଚାରକୁ ଜୋରଦାର କରିଥିଲେ। ତୃତୀୟ ପର୍ୟ୍ୟାୟରେ କଟକ, ଭୁବନେଶ୍ୱର, ପୁରୀ, ଢେଙ୍କାନାଳ, କେନ୍ଦୁଝର ଏବଂ ସମ୍ବଲପୁର ଏହି ୬ ସଂସଦୀୟ କ୍ଷେତ୍ର ଏବଂ ଏହା ଅଧୀନରେ ଥିବା ୪୨ ଆସନ ପାଇଁ ମତଦାନ ହେବ। ଏହି ପର୍ଯ୍ୟାୟରେ ପ୍ରାୟ ସବୁ ସିଟରେ ବିଗ୍ ଫାଇଟ୍ ଦେଖିବାକୁ ମିଳିବ। କିନ୍ୁ ସେପଟେ କୋରେଇ ବ୍ଲକରେ ଦେଖିବାକୁ ମିଳିଛି ଆଚରଣ ବିଧି ଉଲଙ୍ଘନ ।
କୋରେଇ ବ୍ଲକ ଗୋଷ୍ଠୀ ଜୀବିକା ସଂଯୋଜିକା ସରୋଜିନୀ ଦାସ ବିଜେଡି ସଭାକୁ ଯିବା ପାଇଁ ଏସଏଚଜି ମହିଳାମାନଙ୍କୁ ଧମକ ଦେଉଥିବାର ଅଡିଓ ଏବେ ଭାଇରାଲ ହେବାରେ ଲାଗିଛି । କୌଣସି ସରକାରୀ ଅଧିକାରୀ ନିର୍ବାଚନ ପ୍ରଚାର କରିପାରିବେ ନାହିଁ ବୋଲି ନିର୍ବାଚନ କମିଶନର ନୋଟିସ ଜାରି କରିଥିବା ବେଳେ କୋରେଇ ବ୍ଲକର ଅଧିକାଂଶ ଅଧିକାରୀ ଏହି ନିୟମର ଖୋଲା ଉଲଂଘନ କରୁଛନ୍ତି । ଅଡିଓ ଭାଇରାଲ ପରେ ଏହି ଅଧିକାରୀଙ୍କ ଉପରେ ନିର୍ବାଚନ କମିଶନ କିଭଳି କାର୍ଯ୍ୟାନୁଷ୍ଠାନ ନେଉଛନ୍ତି ତାହା ସମୟ କହିବ ।