ପିକନିକ ହେଲା କାଳ, ନଦୀରେ ବୁଡି ଯୁବକର ମୃତ୍ୟୁ

ରାଉରକେଲା(ବଡ଼ ଖବର ବ୍ୟୁରୋ): ପିକନିକ ବେଳେ ପୁଣି ଅଘଟଣ । ଗାଧୋଇବାକୁ ଯାଇ ନଦୀରେ ବୁଡି ଯୁବକର ମୃତ୍ୟୁ । ରାଉରକେଲା ସହରରୁ କିଛି ଯୁବକ ସାଙ୍ଗ ହୋଇ ପିକନିକ ପାଇଁ ସୁନ୍ଦରଗଡ଼ ଜିଲ୍ଲା ନୂଆଗାଁକୁ ଯାଇଥିଲେ। ଆଜି ମଧ୍ୟାହ୍ନରେ ନୂଆଗାଁ ସ୍ଥିତ ଶଙ୍ଖ ନଦୀରେ ୩ ସାଙ୍ଗ ଗାଧୋଉଥିଲେ । ତେବେ ନଦୀରେ ସ୍ରୋତ ଅଧିକ ହେବାରୁ ୩ ଜଣ ଯୁବକ ବୁଡିଯାଇଥିଲେ। ଯୁବକଙ୍କୁ ବୁଡିବାର ଦେଖି ସ୍ଥାନୀୟ ଲୋକେ ୨ଜଣଙ୍କୁ ସୁରକ୍ଷିତ ଉଦ୍ଧାର କରିବା ସହ ଅନ୍ୟ ଜଣେ ନିଖୋଜ ଥିଲେ। ତେବେ ଖବର ପାଇ ଘଟଣା ସ୍ଥଳରେ ଅଗ୍ନୀସମ ବାହିନୀ ପହଁଚି ନିଖୋଜ ଯୁବକ ଜଣଙ୍କୁ ଗୁରୁତର ଅବସ୍ଥାରେ ନଦୀରୁ ଉଦ୍ଧାର କରିଥିଲା। ପରେ ଯୁବକ ଜଣଙ୍କୁ ରାଉରକେଲା ସରକାରୀ ଡାକ୍ତରଖାନାକୁ ନିଆଯାଇଥିଲା ମାତ୍ର ଡାକ୍ତର ତାଙ୍କୁ ସେଠାରେ ମୃତ ଘୋଷଣା କରିଥିଲେ ।