ସମସ୍ତ ଆସନରେ ନିର୍ବାଚନ ଲଢିବ ଶିବସେନା
ମୁମ୍ବାଇ(ବଡ଼ ଖବର ବ୍ୟୁରୋ): ଆସନ୍ତା ଉତ୍ତରପ୍ରଦେଶ ବିଧାନସଭା ନିର୍ବାଚନ ପାଇଁ ସମସ୍ତ ଦଳ ବର୍ତ୍ତମାନ ଠାରୁ ନିଜର ଋଣନୀତି ପ୍ରସ୍ତୁତ କରିବାରେ ଲାଗିଛନ୍ତି । ସେପଟେ ଭାରତୀୟ ଜନତା ପାର୍ଟି ପୁଣିଥରେ କ୍ଷମତାକୁ ଆସିବାକୁ ଜୋରଦାର ପ୍ରସ୍ତୁତ ଆରମ୍ଭ କରିଥିବା ବେଳେ ବିଜେପି ସହ କଡ଼ା ଟକ୍କର ଦେଉଛନ୍ତି ବିରୋଧୀ ଦଳ । ଏହା ସହ ସମାଜବାଦୀ ପାର୍ଟି, ବହୁଜନ ସମାଜ ପାର୍ଟି ଓ କଂଗ୍ରେସ ନିଜ ନିଜର ଦଳକୁ ମଜଭୁତ କରିବାରେ ଲାଗିପଡ଼ିଛନ୍ତି । ଏହା ମଧ୍ୟରେ ମହାରାଷ୍ଟ୍ର ମୁଖ୍ୟମନ୍ତ୍ରୀ ଉଦ୍ଧବ ଠାକରେ ବଡ଼ ଘୋଷଣା କରିଛନ୍ତି ।
ତେବେ ଉତ୍ତରପ୍ରଦେଶ ବିଧାନସଭା ନିର୍ବାଚନରେ ସମସ୍ତ ୪୦୩ ଆସନରେ ପାଇଁ ପ୍ରାର୍ଥୀ ଶିବସେନା ଦେବ ବୋଲି ଉଦ୍ଧବ ଠାକରେ ଘୋଷଣା କରିଛନ୍ତି । ଏ ଖବର ସାମ୍ନାକୁ ଆସିବା ପରେ ଦେଶର ରାଜନୈତିକ ମାହୋଲ ବେଶ ସରଗରମ ହୋଇ ଉଠିଛି । ଏବଂ ଏହା ବିଜେପି ପାଇଁ ଚିନ୍ତାର ବିଷୟ ପାଲଟିଛି । ଅପରପକ୍ଷରେ ବାରମ୍ବାର ମୁହାଁମୁହିଁ ହେଉଥିବା ବିଜେପି ଓ ଶିବସେନା ପୁଣିଥରେ ଉତ୍ତରପ୍ରଦେଶରେ ନଜର ଆସିବେ । ଶିବସେନା ଉତ୍ତରପ୍ରଦେଶ ନିର୍ବାଚନରେ ପ୍ରବେଶ କଲେ ଅଧିକା ବିଜେପିର କ୍ଷତି ହେବ ବୋଲି ଅନୁମାନ କରାଯାଉଛି ।
କାହିଁକିନା ଦୁଇ ଦଳର ଚିନ୍ତା ଧାରା ସମାନ । ଉଭୟ ଦଳ ହିନ୍ଦୁତ୍ୱକୁ ଅଗ୍ରାଧୀକାର ଦେଇଥାନ୍ତି । ତେଣୁ ଶିବସେନା ଉତ୍ତରପ୍ରଦେଶରେ ନିର୍ବାଚନ ଲଢିଲେ ବିଜେପିର ଭୋଟ ଦୁଇଭାଗରେ ବିଭକ୍ତ ହୋଇଯିବ । ଯାହାର ସିଧାସଳଖ ପ୍ରଭାବ ବିଜେପି ଦଳ ଉପରେ ପଡ଼ିବ । ତେଣୁ ଶିବସେନାର ଏପରି ନିଷ୍ପତ୍ତି ଉପରେ ବିଜେପି ଚିନ୍ତାରେ ପଡ଼ିଥିବାର ସୂଚନା ମିଳିଛି ।