ଝାରସୁଗୁଡ଼ାରେ ଫୁଟିଲା ଗୁଳି

ଝାରସୁଗୁଡ଼ା (ବଡ଼ ଖବର ବ୍ୟୁରୋ): ଝାରସୁଗୁଡା କୋଲାବିରାରେ ଗୁଳିମାଡ । ଗୁଳିମାଡରେ ଜଣେ ଆହତ । ଜଣେ ନିଲମ୍ବିତ କନେଷ୍ଟବଳ ମାରିଲେ ଗୁଳି । ଗୁଳି ମାଡରେ ଆହତ ପଙ୍କଜ ଖଡ଼ିଆକୁ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି । ଗୁଳିମାଡ କରିଥିବା ନିଲମ୍ବିତ କନେଷ୍ଟବଳ ହେଲେ କିଶୋର ମହାନନ୍ଦିଆ ।

କିଶୋର ଏବେ ଫେରାର ଅଛନ୍ତି । ବୁଧବାର ରାତିରେ କୋଲାବିରା ଖଡ଼ିଆପଡାରେ ପଙ୍କଜ ଖଡ଼ିଆ ନିଜ ଘର ସାମନାରେ ବୁଲୁଥିବା ବେଳେ ତରେଇକେଲା ଗାଁର କିଶୋର ମହାନନ୍ଦିଆ ଆସି ତା ସହ ବଚସା କରିଥିଲେ । ପରେ ୨ ରାଉଣ୍ଡ ଗୁଳି ଚଳାଇ ଫେରାର ହୋଇଯାଇଥିଲେ । ଆହତ ପଙ୍କଜର କାନ୍ଧରେ ବାଜିଛି ଗୁଳି ।