ଶ୍ରୀକ୍ଷେତ୍ର ପୁରୀର ନାମ ପରିବର୍ତ୍ତନକୁ ନେଇ ତେଜୁଛି ରାଜନୀତି

ପୁରୀ(ବଡ଼ ଖବର ବ୍ୟୁରୋ): ଶ୍ରୀକ୍ଷେତ୍ର ପୁରୀ ର ନାମ ପରିବର୍ତ୍ତନ କୁ ନେଇ ତେଜୁଛି ରାଜନୀତି ।ଜଗନ୍ନାଥ ଧାମ ନେଇ ଆରମ୍ଭ ହୋଇଛି ଦୁଇ ବିରୋଧୀ ବିଜେଡି ଓ ବିଜେପିର ବୟାନବାଜି । ସେପଟେ ଦୁଇଫାଳ ହୋଇଛି ପୁରୀ ବିଜେଡି । ପୁରୀ ବିଜେଡିର ଦୁଇ ଗୋଷ୍ଠି ନାମ ପରିବର୍ତନକୁ ବିରୋଧ କରି ଶକ୍ତି ପ୍ରଦର୍ଶନ କରିଛନ୍ତି । ଦୀର୍ଘ ଦିନ ଧରି ବିଭିନ୍ନ ଅନୁଷ୍ଠାନ ପକ୍ଷରୁ ପୁରୀ ନାମକୁ ଜଗନ୍ନାଥ ଧାମ କରିବା ପାଇଁ ଦାବି ହୋଇ ଆସୁଥିଲା ।

ଗତକାଲି କେଦାରନାଥରେ ଆଦି ଶଙ୍କରାଚାର୍ୟ୍ୟଙ୍କ ପ୍ରତିମୂର୍ତ୍ତି ଲୋକାର୍ପଣ ବେଳେ ପୁରୀରେ ଉପସ୍ଥିତ ଥିବା କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ପୁରୀକୁ ଜଗନ୍ନାଥ ଧାମ ପୁରୀ କରିବା ସପକ୍ଷରେ ପ୍ରତିକ୍ରିୟା ଦେବା ପରେ ଆରମ୍ଭ ହୋଇଥିଲା ରାଜନୈତିକ ବୟନବାଜି ।ଜଗନ୍ନାଥ ସେନା ମଧ୍ୟ ପୁରି ରେଳ ଷ୍ଟେସନ ଠାରେ ଜଗନ୍ନାଥ ଧାମ ପୁରୀ କରିବାକୁ ଜୋରଦାର ଦାବି କରିଥିଲା ।