ଅଗ୍ନିକାଣ୍ଡରେ ପୋଡିଗଲା ଲକ୍ଷାଧିକ ଟଙ୍କାର ସମ୍ପତ୍ତି

ସୋରୋ (ବଡ଼ ଖବର ବ୍ୟୁରୋ):ଅଗ୍ନିକାଣ୍ଡରେ ଜଳିଗଲା ୩ବଖରା ଘର । ଖଇରା ବ୍ଳକ ଅନ୍ତରା ପଞ୍ଚାୟତ ପାଟୁଳି ସାହିରେ ଅଗ୍ନିକାଣ୍ଡ ଘଟି ୩ ବଖରା ସମେତ ଲକ୍ଷାଧିକ ଟଙ୍କାର ସମ୍ପତ୍ତି ନଷ୍ଟ ହୋଇଯାଇଛି । ଏହି ସାହିର ଭାଗିରଥିଜେନାଙ୍କ ପୁଅ ସୁବାଷ ରୋଷେଇ କରୁଥିବା ବେଳେ ଅସାବଧାନତା ଯୋଗୁଁ ହଠାତ ନିଆଁ ଲାଗିଯାଇଥିଲା । ଅଗ୍ନିକାଣ୍ଡ ଖବର ପାଇ ଅଡା ଦମକଳ ବାହିନୀ ଘଟଣା ସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିଲେ ।

ଅଗ୍ନିକାଣ୍ଡ ଯୋଗୁଁ ଘରେ ଥିବା ୩ ହଜାର ଟଙ୍କା, ୮କୁଇଣ୍ଟାଲ ଧାନ, ଚାଉଳ ୨କୁଇଣ୍ଟାଲ ବାସନକୁସନ , ଲୁଗାପଟା ପୋଡି ପାଉଁଶ ହୋଇଯାଇଛି । ପାଖାପାଖି ୧ ଲକ୍ଷ ଟଙ୍କାର ସମ୍ପତ୍ତି ପୋଡ଼ି ଯାଇଥିବାର ଜଣାପଡିଛି । ଭାଗିରଥିଙ୍କୁ ସରକାରୀ ସହାୟତା ଯୋଗାଇ ଦେବାକୁ ଦାବି ହେଉଛି ।