ବନ୍ଦେ ଭାରତ ଏକ୍ସପ୍ରେସକୁ ପଥର ମାଡ଼

କେରଳ  (ବଡ଼ ଖବର ବ୍ୟୁରୋ): କେରଳରେ ବନ୍ଦେ ଭାରତ ଏକ୍ସପ୍ରେସ ଟ୍ରେନକୁ ପଥର ମାଡ଼ । କେରଳ ଅଧିକାରୀମାନେ ପଥର ମାଡ଼ ନେଇ ସୂଚନା ଦେଇଛନ୍ତି । ଉତ୍ତର କେରଳରେ ଥିରୁନବାୟା ଏବଂ ତିରୁର ମଧ୍ୟରେ ପଥର ମାଡ଼ ହୋଇଛି । ପୋଲିସ କହିବା ଅନୁଯାୟୀ ଟ୍ରେନ ଥିରୁଭାନନ୍ତପୁରମ୍‌ ଅଭିମୁଖେ ଯାତ୍ରା ଜାରି ରଖିଛି । ଏହି ଆକ୍ରମଣରେ କେହି ଆହତ ହୋଇ ନାହାଁନ୍ତି। ତେବେ କିଏ ଏଭଳି କାମ କରିଛି, ତାହାକୁ ନେଇ ତଦନ୍ତ କରାଯାଉଛି । ପଥର ଫିଙ୍ଗିବା କାରଣରୁ ଟ୍ରେନର କିଛି ଝରକା ଉପରେ ଛୋଟ ଛୋଟ ସ୍କ୍ରାସ ହୋଇଛି।