ପରୀ ପାଇଁ ଆନ୍ଦୋଳନ

ନୟାଗଡ଼, (ବଡ଼ ଖବର ବ୍ୟୁରୋ): ବହୁ ଚର୍ଚ୍ଚିତ ପରୀ ହତ୍ୟାକାଣ୍ଡର କ୍ରାଇମବ୍ରାଞ୍ଚ ତଦନ୍ତ ଦାବିରେ ଆନ୍ଦୋଳନକୁ ଓହ୍ଲାଇଲା କଂଗ୍ରେସ । ନୟାଗଡ଼ ଜିଲ୍ଲା କଂଗ୍ରେସ ପକ୍ଷରୁ ଆଜି ଏସପି ଅଫିସ ସମ୍ମୁଖରେ ଶାନ୍ତିପୁର୍ଣ୍ଣ ଧାରଣା ଦିଆଯାଇଛି । ଏହି ଘଟଣାର କ୍ରାଇମବ୍ରାଞ୍ଚ ତଦନ୍ତ ଦାବି କରି ପୋଲିସ ମହାନିର୍ଦ୍ଦେଶକଙ୍କ ଉଦେଶ୍ୟରେ ନୟାଗଡ଼ ଏସପିଙ୍କୁ ଦାବିପତ୍ର ପ୍ରଦାନ କରିଛି ଜିଲ୍ଲା କଂଗ୍ରେସ କମିଟି ।

ଜୁଲାଇ ୨୩ ତାରିଖରେ ଘଟିଥିଲା ବହୁ ଚର୍ଚ୍ଚିତ ପରୀ ହତ୍ୟାକାଣ୍ଡ । ନୟାଗଡ଼ ସଦର ଥାନା ଯଦୁପୁର ଗାଁର ପାଞ୍ଚ ବର୍ଷୀୟା ନାବାଳିବା ପରୀକୁ ଅତି ବିଭତ୍ସଭାବେ ହତ୍ୟା କରାଯାଇଥିଲା । ଏହି ଘଟଣାକୁ ଅଢେଇମାସ ବିତିଯିବା ପରେ ବି ପୋଲିସ ହାତ ଖାଲି । ଶାସକ ଦଳ ଚାପରେ ଅପରାଧୀଙ୍କୁ ପୋଲିସ ଗିରଫ କରୁନଥିବା ଅଭିଯୋଗ କରିଛି କଂଗ୍ରେସ । ଏନେଇ ପୂର୍ବରୁ ରାଜ୍ୟ ମାନବାଧିକାରଙ୍କ ନିକଟରେ ଫେରାଦ ହୋଇଥିବା ବେଳେ ଆଜି ପୁଣି ଆନ୍ଦୋଳନକୁ ଓହ୍ଲାଇଛି ଦଳ । ତେବେ ଘଟଣାର ସଠିକ ତଦନ୍ତ ଚାଲୁଥିବା ବେଳେ ଖୁବଶୀଘ୍ର ଅପରାଧୀମାନଙ୍କୁ ଧରାଯିବ ବୋଲି କହିଛନ୍ତି ନୟାଗଡ଼ ଅତିରିକ୍ତ ଏସପି ଉମାକାନ୍ତ ମଲ୍ଲିକ ।