ସୁଭଦ୍ରା ଅପଡ଼େଟ: ଆଜି ଓ ଆସନ୍ତାକାଲି ବ୍ୟାଙ୍କ ଯାଆନ୍ତୁ

ଭୁବନେଶ୍ୱର (ବଡ଼ ଖବର ବ୍ୟୁରୋ): ସୁଭଦ୍ରା ଆବେଦନକାରୀଙ୍କୁ ଉପମୁଖ୍ୟମନ୍ତ୍ରୀଙ୍କ ପରାମର୍ଶ । ଆଜି ଓ ଆସନ୍ତାକାଲି ବ୍ୟାଙ୍କ ଯାଆନ୍ତୁ । ଦୁଇ ଦିନ ବ୍ୟାଙ୍କଗୁଡ଼ିକ ସ୍ୱତନ୍ତ୍ର ଭାବେ ଧ୍ୟାନ ଦେବେ । ଯେଉଁମାନଙ୍କୁ କଲ୍ ଆସିଛି, ମେସେଜ ଆସିଛି ଯାଆନ୍ତୁ । ଏନପିସିଆଇ ଦ୍ୱନ୍ଦ୍ୱ ଦୂର ପାଇଁ ଆବେଦନକାରୀଙ୍କୁ ବ୍ୟାଙ୍କ ଯିବାକୁ ପଡ଼ିବ । ବ୍ୟାଙ୍କମାନଙ୍କରେ ବ୍ୟାନର ଲାଗିଥିବ, ସେଠି ପହଞ୍ଚିବେ । ଏନପିସିଆଇ ଦ୍ୱନ୍ଦ୍ୱ ଦୂର କଲେ ଟଙ୍କା ପାଇବେ । ପ୍ରାୟ ୩ଲକ୍ଷ ୩୧ହଜାର ଆବେଦନକାରୀଙ୍କ ସମସ୍ୟା ରହିଛି ।

୨୯ ଓ ୩୦ ତାରିଖରେ ବ୍ୟାଙ୍କରେ ଏହି ସ୍ପେଶାଲ ଡେସ୍କ ଓ ଟିମ୍ ବସିବେ । ବ୍ୟାଙ୍କ ମିତ୍ରମାନେ ମଧ୍ୟ ଉପସ୍ଥିତ ରହି ସହାୟତା କରିବେ। ଏପର୍ଯ୍ୟନ୍ତ ମୋଟ ୧କୋଟି ୭ଲକ୍ଷ ୨୩ ହଜାର ୨୯୪ ଜଣ ପଞ୍ଜିକରଣ କରିଛନ୍ତି। ସେମାନଙ୍କ ମଧ୍ୟରୁ ମୋଟ ୮୦ ଲକ୍ଷ ୨୯ ହଜାର ୭୪୧ ଜଣଙ୍କୁ ସହାୟତା ରାଶି ପ୍ରଦାନ କରାଯାଇଛି। ୧ ଲକ୍ଷ ୫୫ ହଜାର ୧୫୮ ଜଣଙ୍କର ଇ-କେୱାଇସି ପେଣ୍ଡିଂ ଅଛି। ଏହାସହ ମୋଟ ୧ ଲକ୍ଷ ୭୫ ହଜାର ୧୧୯ ଜଣଙ୍କର ଫିଲ୍ଡ ଭେରିଫିକେସନ ପେଣ୍ଡିଂ ଅଛି। ଅନ୍ୟପକ୍ଷରେ ପୁରୁଷ ଆବେଦନକାରୀଙ୍କ ରେଜିଷ୍ଟ୍ରେସନ ସଂଖ୍ୟା ଆଉ ବଢି ନାହିଁ ବୋଲି ସୂଚନା ଦେଇଛନ୍ତି ପ୍ରଭାତୀ ପରିଡା।