ସ୍ୱାମୀ ସ୍ତ୍ରୀ କଳହ କୁ ନେଇ ସନ୍ଧେହ ଜନକ ମୃତ୍ୟ

ଭଞ୍ଜନଗର(ବଡଖବର ବ୍ୟୁରୋ):ଗଞ୍ଜାମ ଜିଲ୍ଲା ସୋରଡ଼ା ଥାନା ସାନବଦାଙ୍ଗି ଗ୍ରାମରେ ଘଟିଛି ଅଭାବନୀୟ ଘଟଣା। ସ୍ୱାମୀ ସ୍ତ୍ରୀ କଳହ ରୁ ସ୍ତ୍ରୀ ର ସନ୍ଧେହ ଜନକ ମୃତ୍ୟୁ। ମୃତକ ଜଣକ ହେଲେ ରିଙ୍କି ବେହେରା। ରିଙ୍କି ବିଗତ ୫ ବର୍ଷ ତଳେ ରାଧାକାନ୍ତ ବେହେରା ଙ୍କୁ ବିବାହ କରିଥିଲେ। ସ୍ୱାମୀ ସ୍ତ୍ରୀଙ୍କ ମନମାଳିନ୍ୟ ଯୋଗୁ ଅନେକ ସମୟ ରେ କଳହ ଲାଗିରହିଥିଲା ।

ଗତକାଲି ସନ୍ଧ୍ୟା ସମୟରେ ଗୁରୁତର ଅବସ୍ଥାରେ ସ୍ୱାମୀ ରିଙ୍କିଙ୍କୁ ମେଡିକାଲ ରେ ଭର୍ତ୍ତି କରିଥିଲେ। ଖବର ପାଇ ରିଙ୍କିଙ୍କ ଭାଇ ଶିଶିର ସୋରଡା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ରେ ପହଞ୍ଚି ଥିଲେ । ବିଷ ପିଇ ଆତ୍ମହତ୍ୟା ଉଦ୍ୟମ କରିଥିବା ଶାଶୁ ଘର ଲୋକ କହୁଥିବା ବେଳେ ଭାଇ ନିର୍ଯ୍ୟାତନା ଯୁକ୍ତ ମୃତ୍ୟ ବୋଲି ଥାନା ରେ ଅଭିଯୋଗ କରିଛନ୍ତି।

ଏନେଇ ସ୍ୱାମୀ ରାଧାକାନ୍ତ ବେହେରା ଙ୍କୁ ସୋରଡା ପୋଲିସ ଅଟକ ରଖିବା ସହିତ ଘଟଣା ର ଅଧିକ ତଦନ୍ତ ଚଳାଇଛି ଏବଂ ଶବକୁ ଜବତ କରି ବ୍ୟବଛେଦ ପାଇଁ ପଠାଯାଇଛି। ଅନ୍ୟ ପଟେ ଘଟଣା ର ୧୨ ଘଣ୍ଟା ପରେ ମଧ୍ୟ ସରକାରୀ ଡାକ୍ତରଖାନା ରେ ଉପଯୁକ୍ତ ସୁବିଧା ଅଭାବ ଓ ଡାକ୍ତର ଙ୍କ ଅବହେଳାକୁ ନେଇ ପ୍ରଶ୍ନବାଚୀ ସୃଷ୍ଟି କରିଛି ।