ଟି-ଟ୍ୱେଣ୍ଟି ବିଶ୍ୱକପ: ସୁପର ୧୨ ମୁକାବିଲା, ପ୍ରଥମ ମ୍ୟାଚରେ ଅଷ୍ଟ୍ରେଲିଆ ବନାମ ଦକ୍ଷିଣ ଆଫ୍ରିକା

ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ଚଳିତ ଟି-ଟ୍ୱେଣ୍ଟି ବିଶ୍ୱକପ ଗ୍ରୁପ-ଏର ପ୍ରଥମ ମ୍ୟାଚରେ ଅଷ୍ଟ୍ରେଲିଆ ଓ ଦକ୍ଷିଣ ଆଫ୍ରିକା ପରସ୍ପରକୁ ଭେଟିବେ । ଉଭୟ ଦଳ ଏହି ମ୍ୟାଚ୍ ପାଇଁ ପ୍ରସ୍ତୁତି ବି ଆରମ୍ଭ କରିଦେଇଛନ୍ତି । ଶନିବାର ପ୍ରଶଂସକଙ୍କୁ ଏକ ସଂଘର୍ଷପୂର୍ଣ୍ଣ ମ୍ୟାଚ ଦେଖିବାକୁ ମିଳିବ । ତେବେ ଅପରାହ୍ନ ୩ଟା ୩୦ରେ ଏହି ମ୍ୟାଚ୍ ଆରମ୍ଭ ହେବ ।

ବର୍ତ୍ତମାନର ଫର୍ମ ଓ ଟି-ଟ୍ୱେଣ୍ଟି ମାନ୍ୟତା ଆଧାରରେ ଶନିବାର ମ୍ୟାଚରେ ଦକ୍ଷିଣ ଆଫ୍ରିକା ଅଷ୍ଟ୍ରେଲିଆ ପାଇଁ ଭାରି ପଡ଼ିବ । କାରଣ ଶେଷ ୧୦ଟି ମ୍ୟାଚରୁ ୯ଟି ମ୍ୟାଚ ଜିତିଛି ଦଳ । ଅଭ୍ୟାସ ମ୍ୟାଚରେ ମଧ୍ୟ ଆଫଗାନିସ୍ତାନ ଓ ପାକିସ୍ତାନକୁ ହରାଇଛି । ସେପଟେ ଅଷ୍ଟ୍ରେଲିଆ ଶେଷ ୧୦ଟି ମ୍ୟାଚରୁ ୮ଟି ପରାଜିତ ହୋଇଛି । ୫ଟି ସିରିଜରେ ମଧ୍ୟ ପରାଜୟର ସାମ୍ନା କରିଛି । ତେବେ ଅଭ୍ୟାସ ମ୍ୟାଚରେ ନ୍ୟୁଜଲ୍ୟାଣ୍ଡକୁ ହରାଇଥିଲା ଦଳ । କିନ୍ତୁ ଭାରତଠାରୁ ଶୋଚନୀୟ ପରାଜୟ ପାଇଛି ।