ଜବରଦଖଲ ଉଚ୍ଛେଦ ପ୍ରତିବାଦରେ ତହସିଲ ଅଫିସ ଘେରିଲା ଆଦିବାସୀ ସଂଘ

ସମ୍ବଲପୁର(ବଡ଼ ଖବର ବ୍ୟୁରୋ) ସରକାରୀ ଜମିରୁ ଜବରଦଖଲ ଉଛେଦ ପ୍ରତିବାଦରେ ସମ୍ବଲପୁର ଜିଲ୍ଲା ନାକଟିଦେଉଳ ତହସିଲ ଅଫିସ ଘେରିଛି ପଶ୍ଚିମ ଓଡିଶା ଆଦିବାସୀ ସଂଘ । ନାକଟିଦେଉଳ ତହସିଲ ଅନ୍ତର୍ଗତ ଡଇଁଚା ରାଜସ୍ବ ସର୍କଲର ପାଇକମାଳ ମୌଜାର ତାଣ୍ଡବିରା ଛକରେ ଦୀଲ୍ଲିପ କିସପଟ୍ଟା ସରକାରୀ ଜମି ଜବରଦଖଲ କରି ଘର କରିଛନ୍ତି ।

ଏ ସମ୍ପର୍କରେ ସ୍ଥାନୀୟ ଲୋକମାନେ ବାରମ୍ବାର ଅଭିଯୋଗ କରିବା ପରେ ଦୀଲ୍ଲିପଙ୍କୁ ତହସିଲ ଅଫିସ ପକ୍ଷରୁ ଚିଠି କରାଯାଇଥିଲା । ପ୍ରଶାସନର ଏହି ନିଷ୍ପତ୍ତିକୁ ବିରୋଧ କରି ଶତାଧିକ ଆଦିବାସୀ ପୁରୁଷ ଓ ମହିଳା ନାକଟିଦେଉଳ ତହସିଲ ଅଫିସ ଘେରାଉ କରିବା ସହ ବିକ୍ଷୋଭ ପ୍ରଦର୍ଶନ କରିଥିଲେ ।