ଟେଲିଭିଜନ ତାରକା ରାଜୀବ ପାଲ କରୋନା ସଂକ୍ରମିତ
ମୁମ୍ବାଇ(ବଡ଼ ଖବର ବ୍ୟୁରୋ): କରୋନାରେ ସଂକ୍ରମିତ ହେଲେ ଆଉ ଜଣେ ତାରକା । ଟେଲିଭିଜନ ଅଭିନେତା ରାଜୀବ ପାଲ କରୋନା ପଜିଟିଭ ଚିହ୍ନଟ ହୋଇଛନ୍ତି । ବୁଧବାର ସେ ହସ୍ପିଟାଲରେ ଭର୍ତ୍ତି ହୋଇଥିବା ନେଇ ସୋସିଆଲ ମିଡିଆରେ ସୂଚନା ଦେଇଛନ୍ତି । ସେ ନିଜ ଇନଷ୍ଟାଗ୍ରାମ ଆକାଉଣ୍ଟରେ ହସ୍ପିଟାଲରେ ଭର୍ତ୍ତି ହୋଇଥିବା ସୂଚନା ଦେଇ ଲେଖିଛନ୍ତି ଯେ, ସ୍ଥିତି ଅଣାୟତ ହେବା ଆଗରୁ ଭଲ ହାତରେ ଟେକିଦେବା ଉଚିତ ।
ଏଠାରେ ଡାକ୍ତର ଏବଂ ହସ୍ପିଟାଲ କର୍ତ୍ତୃପକ୍ଷ ରେମଡେସିଭିର ସହ ଅନ୍ୟ ଔଷଧ ଦେଇ ମୋର ଚିକିତ୍ସା ଆରମ୍ଭ କରିଛନ୍ତି । ଏହାଛଡ଼ା ହସ୍ପିଟାଲ ଯିବାକୁ ତାଙ୍କୁ ବୁଝାଇଥିବା ତାଙ୍କ ସାଙ୍ଗ ମାନଙ୍କୁ ମଧ୍ୟ ସେ ଧନ୍ୟବାଦ ଦେଇଛନ୍ତି । ସସୁରାଲ ସିମରକା ୨ରେ ରାଜୀବ ପାଲ କାର୍ଯ୍ୟ କରୁଛନ୍ତି । କରୋନାରେ ସଂକ୍ରମିତ ହେବା ପରେ ଥଣ୍ଡା, ଜ୍ୱର କମୁନଥିବା ଯୋଗୁଁ ସେ ହସ୍ପିଟାଲରେ ଭର୍ତ୍ତି ହୋଇଛନ୍ତି ।
