କାର ଧକ୍କାରେ ୨ ମୃତ
ଗଞ୍ଜାମ (ବଡ଼ ଖବର ବ୍ୟୁରୋ): ବସଷ୍ଟାଣ୍ଡ କଡରେ ଅପେକ୍ଷା କରିଥିବା ଦୁଇ ଜଣ ଯୁବକଙ୍କ ଉପରେ ମାଡିଗଲା କାର । ଘଟଣା ସ୍ଥଳରେ ଜଣଙ୍କର ମୃତୁ ହୋଇଥିବା ବେଳେ ଜଣେ ଆହତ ହୋଇଥିବା ସୂଚନା । ଏଭଳି ଘଟଣା ଘଟିଛି ପାଟପୁର ଥାନା ପୋଡାମାରି ବସଷ୍ଟାଣ୍ଡ ନିକଟରେ । ରାସ୍ତା କଡ଼ରେ ଠିଆ ହୋଇଥିବା ଲୋକଙ୍କ ଉପରେ ମାଡି ଯାଇଥିଲା କାର । ଦିଗପହଣ୍ଡିରୁ ଗଜପତି ଅଭିମୁଖେ ଯାଉଥିବା ଏକ କାର ପୋଡାମାରି ବସଷ୍ଟାଣ୍ଡ ନିକଟରେ ଧକ୍କା ଦେଇ ଘଟଣା ସ୍ଥଳରୁ ଚମ୍ପଟ ମାରିଥିଲା । ଖବର ପାଇ ସାନଖେମୁଣ୍ଡୀ ଅଗ୍ନିଶମ କର୍ମଚାରୀ ପହଞ୍ଚି ଆହତଙ୍କୁ ଉଦ୍ଧାର କରି ଦିଗପହଣ୍ଡି ମେଡିକାଲରେ ଭର୍ତ୍ତି କରିଥିଲେ । ସେଠାରେ ଡାକ୍ତର ଦୁଇ ଜଣଙ୍କୁ ମୃତୁ ଘୋଷଣା କରିଛନ୍ତି । ପାଟପୁର ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ବ କରିବା ସହ ଫେରାର କାରକୁ ଚିହ୍ନଟ ପାଇଁ ପାଇ ସିସିଟିଭି ଫୁଟେଜରୁ ଯାଞ୍ଚ ଚଳାଇଛି ।