ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଭୟଙ୍କର ହେଉଛି କରୋନାର ଦ୍ୱିତୀୟ ଲହର । ଦିନକୁ ଦିନ ବଢୁଛି ଆକ୍ରାନ୍ତଙ୍କ ସଂଖ୍ୟା । ବିଶ୍ୱରେ କରୋନା ମୃତ୍ୟୁସଂଖ୍ୟା ୨୮.୩ ଲକ୍ଷ । ଆକ୍ରାନ୍ତଙ୍କ ସଂଖ୍ୟା ୧୨ କୋଟି ୮୨ ଲକ୍ଷ, ସୁସ୍ଥ ହେଲେଣି ୧୦ କୋଟି ୩୪ ଲକ୍ଷ । ସେହିପରି ଦେଶରେ କରୋନା ମୃତ୍ୟୁସଂଖ୍ୟା ୧.୬୨ ଲକ୍ଷ । ଦିନକରେ ୨୭୧ ମୃତ,୫୬୨୧୧ ହୋଇଛନ୍ତି ଆକ୍ରାନ୍ତ । ଆକ୍ରାନ୍ତଙ୍କ ସଂଖ୍ୟା ୧ କୋଟି ୨୦ ଲକ୍ଷ । ସୁସ୍ଥ ହେଲେଣି ୧ କୋଟି ୧୩ ଲକ୍ଷ ।
ଅନ୍ୟପଟେ ଓଡ଼ିଶାରେ ମଧ୍ୟରେ ଦୈନିକ ସଂକ୍ରମଣ ରହିଛି ୨୦୦ ଉପରେ । ଗତକାଲି କଳାହାଣ୍ଡିରେ ୫୪ ପଜିଟିଭ ଚିହ୍ନଟ ହୋଇଥିଲେ । ଭବାନୀପାଟଣାର ଏକ ଘରୋଇ କଲେଜରୁ ୩୬ ଓ ଅନ୍ୟ ସ୍ଥାନରୁ ୧୮ ଆକ୍ରାନ୍ତ ଚିହ୍ନଟ ହୋଇଥିଲେ । ସେହିପରି ରାଉରକେଲା ଏନଆଇଟିରେ ୧୪ ପଜିଟିଭ ଚିହ୍ନଟ ହୋଇଛନ୍ତି । ନେଗେଟିଭ ଚିହ୍ନଟ ପିଲାଙ୍କୁ କ୍ୟାମ୍ପସ ଛାଡ଼ିବାକୁ ନିଟର ରେଜିଷ୍ଟାର ପ୍ରଦୀପ କୁମାର ଦାଶ କହିଛନ୍ତି । ଆଜି କଲେଜର ୫ଶହ ପିଲାଙ୍କର ଟେଷ୍ଟ କରିବାକୁ ଧାର୍ଯ୍ୟ କରାଯାଇଛି । ସୋମବାର ରାତିରେ ୩୯୩ ପିଲାଙ୍କର କୋଭିଡ ଟେଷ୍ଟ କରାଯାଇଛି । କଲେଜରେ ପ୍ରାୟ ୨୦୦୦ ପିଲା ରହିଛନ୍ତି ।
