ଦେଶରେ କୋଇଲା ଓ ବିଦ୍ୟୁତ ସଙ୍କଟ; ଆକ୍ସନ ମୋଡ଼ରେ ଗୃହମନ୍ତ୍ରୀ

ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ଦେଶରେ ଦିନକୁ ଦିନ କୋଇଲା ଏବଂ ବିଦ୍ୟୁତ ସଙ୍କଟ ଦେଖାଦେବାରେ ଲାଗିଛି । ଏହାକୁ ଦୃଷ୍ଟିରେ ରଖି ଗୃହମନ୍ତ୍ରୀ ଅମିତ ଶାହ ବଡ଼ କାର୍ଯ୍ୟାନୁଷ୍ଠାନ ଗ୍ରହଣ କରିଛନ୍ତି । ଏନେଇ ସେ ଏକ ଉଚ୍ଚସ୍ତରୀୟ ବୈଠକ ଡାକିଥିବାର କଥା ସାମ୍ନାକୁ ଆସିଛି । ସେପଟେ ଏହି ବୈଠକରେ ଯୋଗ ଦେବା ପାଇଁ କେନ୍ଦ୍ର ଶକ୍ତିମନ୍ତ୍ରୀ ଆର.କେ ସିଂହ, କୋଇଲା ମନ୍ତ୍ରୀ ପହ୍ଲାଦ ଯୋଶୀ ଏବଂ ଉଭୟ ମନ୍ତ୍ରଣାଳୟର ଅଧିକାରୀମାନେ ଗୃହ ମନ୍ତ୍ରଣାଳୟରେ ପହିଞ୍ଚିଛନ୍ତି ।

ଅନ୍ୟପଟେ କୋଇଲା ଅଭାବକୁ ଦୃଷ୍ଟିରେ ରଖି ଅନେକ ରାଜ୍ୟ ବିଦ୍ୟୁତ ଯୋଗାଣରେ ବ୍ୟାଘାତ ସୃଷ୍ଟି କରିବାକୁ ଚେତାବନୀ ଦେଇଛନ୍ତି । ତେବେ ବିଦ୍ୟୁତ ଉତ୍ପାଦନ କାରଖାନାର ଚାହିଦା ମେଣ୍ଟାଇବା ପାଇଁ ଦେଶରେ ପର୍ଯ୍ୟାନ୍ତ ଶୁଖିଲା ଇନ୍ଧନ ଉପଲବ୍ଧ ରହିଛି ବୋଲି କୋଇଲା ମନ୍ତ୍ରଣାଳୟ କହିଛି । ଏହା ଛଡ଼ା ସବୁଠାରୁ ରୋଚକ କଥାଟି ହେଉଛି ଦେଶରେ କୋଇଲା ଓ ବିଦ୍ୟୁତ ସଙ୍କଟ ଦେଖାଦେଉଥିବା ବେଳେ, ଏହା ସମ୍ପୂର୍ଣ୍ଣ ମିଥ୍ୟା ବୋଲି ମନ୍ତ୍ରଣାଳୟ କହିଛି ।