ଆତଙ୍କବାଦୀ ଆକ୍ରମଣ, ଦୁଇ ଯବାନ ସହିଦ

ନୂଆଦିଲ୍ଲୀ (ବଡ଼ ଖବର ବ୍ୟୁରୋ) : ସୋମବାର ଜାମୁକାଶ୍ମୀର ପାମ୍ପୈର ଉପକଣ୍ଠରେ ଥିବା କାଙ୍ଗନ ବାଇପାସରେ ସିଆରପିଏଫର ୧୧୦ ବାଟାଲିୟନ ଉପରେ ଆତଙ୍କବାଦୀ ମାନେ ଆକ୍ରମଣ କରିଛନ୍ତି । ସିଆରପିଏଫର ରୋଡ ଓପନିଂ ପାର୍ଟି ଉପରେ ହୋଇଛି ଏହି ଆକ୍ରମଣ । ଏଥିରେ ପାଞ୍ଚ ଜଣ ଯବାନ ଗୁରୁତର ହୋଇଥିଲେ । ସମସ୍ତଙ୍କୁ ଚିକିତ୍ସା ପାଇଁ ସ୍ଥାନୀୟ ଡାକ୍ତରଖାନାରେ ଭର୍ତ୍ତି କରାଯାଇଥିଲା । ସେଠାରେ ଦୁଇ ଜଣଙ୍କ ମୃତ୍ୟୁ ହୋଇଛି ।
ସେପ୍ଟମ୍ବର ୨୯ରେ ଅନନ୍ତନାଗ ଜିଲ୍ଲାର ମାର୍ମା ବିଜବିହାରା ଅଞ୍ଚଳରେ ଆତଙ୍କବାଦୀ ମାନେ ସେନାର ପେଟ୍ରୋଲିଂ ପାର୍ଟିକୁ ଟାର୍ଗେଟ କରିଥିଲେ । ଉଭୟ ପକ୍ଷ ମଧ୍ୟରେ ହୋଇଥିଲା ଗୁଳି ବିନିମୟ । ଛତ୍ର ଭଙ୍ଗ ଦେଇଥିଲେ ଆତଙ୍କବାଦୀ । ଏହି ଘଟଣା ପୂର୍ବରୁ ମାରହମାରେ ସେନାର ଏନକାଉଣ୍ଟରରେ ଦୁଇ ମହିଳା ଆତଙ୍କବାଦୀଙ୍କ ମୃତ୍ୟୁ ହୋଇଥିଲା ।