![](https://i0.wp.com/badakhabar.in/wp-content/uploads/2020/12/rohit.jpg?fit=1200%2C900&ssl=1)
ଭୁବନେଶ୍ୱର (ବଡ଼ ଖବର ବ୍ୟୁରୋ): ଅଷ୍ଟ୍ରେଲିଆ ଟେଷ୍ଟ ପୂର୍ବରୁ ଭାରତୀୟ କ୍ରିକେଟ ଦଳକୁ ମିଳିଛି ଖୁସି ଖବର । ଭାରତୀୟ ଦଳର ପ୍ରାରମ୍ଭିକ ବ୍ୟାଟ୍ସମ୍ୟାନ ରୋହିତ ଶର୍ମା ଫିଟନେସ୍ ପରୀକ୍ଷାରେ ଫିଟ ହୋଇଛନ୍ତି । ରୋହିତଙ୍କ ଉପସ୍ଥିତି ଭାରତୀୟ ଦଳକୁ ଏକ ବୁଷ୍ଠ ପ୍ରଦାନ କରିବ । ନ୍ୟାସନାଲ କ୍ରିକେଟ ଏକାଡେମୀ ଆଜି ରୋହିତଙ୍କୁ ଫିଟ୍ ବୋଲି ସାର୍ଟିଫିକେଟ ପ୍ରଦାନ କରିଛନ୍ତି ।
ଅଷ୍ଟ୍ରେଲିଆ ବିପକ୍ଷରେ ଥିବା ୪ଟି ଟେଷ୍ଟରୁ ସେ ଶେଷ ଦୁଇଟି ଟେଷ୍ଟ ଖେଳିପାରିବେ ବୋଲି ସୂଚନା ମିଳିଛି । କରୋନା ମହାମାରୀ ପାଇଁ ସେ ଅଷ୍ଟ୍ରେଲିଆରେ ପ୍ରଥମେ ୧୪ ଦିନ ସଂଗରୋଧରେ ରହିବେ । ପ୍ରଥମ ଟେଷ୍ଟ ପରେ ସ୍ୱଦେଶ ଫେରି ଆସିବେ ଅଧିନାୟକ ବିରାଟ କୋହଲି । ଏହି ପରିସ୍ଥିତିରେ ରୋହିତଙ୍କ ଉପସ୍ଥିତି ଭାରତୀୟ ଦଳ ପାଇଁ ଏକ ବଡ଼ ଉପଲବ୍ଧି ହେବ । ଆଇପିଏଲ ସମୟରେ ରୋହିତ ଶର୍ମାଙ୍କ ମାଂସପେଶୀରେ ଆଘାତ ଲାଗିଥିଲା । ଏହା ଫଳରେ ସେ ଅଷ୍ଟ୍ରେଲିଆ ଗସ୍ତରେ ସାମିଲ ହୋଇପାରିନଥିଲେ ।