ମାଲକାନଗିରି (ବଡ଼ ଖବର ବ୍ୟୁରୋ): କାନ୍ଥ ପଡ଼ି ଶିଶୁକନ୍ୟା ମୃତ । ମାଲକାନଗିରି ଜିଲ୍ଲା ପଡିଆ ବ୍ଳକ ମେଟାଗୁଡା ଗ୍ରାମରେ ଘଟିଛି ଅଭାବନୀୟ ଘଟଣା । ବର୍ଷା ଯୋଗୁ ଏହି ଅଘଟଣ ଘଟିଛି ବୋଲି କୁହାଯାଉଛି। ଘରର କାନ୍ଥ ଭାଙ୍ଗିଯିବାରୁ ଜଣେ ଶିଶୁ କନ୍ୟା ମୃତ୍ୟୁ ହୋଇଥିବା ବେଳେ ଉଭୟ ବାପା ଓ ମା ଗୁରୁତର ହୋଇଥିବା ଜଣପଡିଛି । ଗତକାଲି ରାତିରେ ମେଟାଗୁଡ଼ା ଗାଁର ଆଇତା ମାଡ଼କାମୀ, ତାଙ୍କ ପତ୍ନୀ ଓ କୁନି ଝିଅ ସ୍ୱାତୀ ଘରେ ଶୋଇଥିଲେ।
ହଠାତ ଘରର ଏକ କାନ୍ଥ ସେମାନଙ୍କ ଉପରେ ପଡ଼ି ଯାଇଥିଲା। ଫଳରେ ଘଟଣାସ୍ଥଳରେ ୪ ମାସର ଝିଅଟିର ମୃତ୍ୟୁ ହୋଇଛି । ଆଇତା ଓ ତାଙ୍କ ପତ୍ନୀଙ୍କ ଚିତ୍କାର ଶୁଣି ପଡ଼ୋଶୀମାନେ ଧାଇଁ ଆସିଥିଲେ। ସେମାନେ ଆଇତା ଓ ତାଙ୍କ ପତ୍ନୀଙ୍କୁ ଉଦ୍ଧାର କରି ନିକଟସ୍ଥ ପଡ଼ିଆ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରକୁ ନେଇଥିଲେ। ଅନ୍ୟପଟେ ଏ ନେଇ ଖବର ପାଇ ପଡିଆ ବିଡିଓ ରାମକୃଷ୍ଣ ନାୟକ ଘଟଣା ସ୍ଥଳରେ ପହଂଚି ସ୍ଥିତି ପରଖିବା ସହ ପରିବାର ଲୋକଙ୍କୁ ସରକାରୀ ସହାୟତା ଯୋଗାଇବା ପାଇଁ କହିଛନ୍ତି ।
