ଗିରଫ ପରେ ସମର୍ଥକଙ୍କ ଅଫିସ ଘେରାଉ
ଖୋର୍ଦ୍ଧା (ବଡ଼ ଖବର ବ୍ୟୁରୋ): ମାନବବାଦ ସଙ୍ଗଠନର ମୁଖ୍ୟ ମାନସ ଦାସ ସହିତ ପୁଅ ମନୋରଞ୍ଜନ ଦାସ ଗିରଫ । ବେଗୁନିଆ ସତ୍ୟବ୍ରତ ନାୟକ ମର୍ଡର ଏବଂ ମାଗୁଣି ନାୟକ ମାଡ଼ମରା ଘଟଣାରେ ଗୁରୁବାର ସଙ୍ଗଠନର ମୁଖ୍ୟ ମାନବ ଦାସକୁ ଭୁବନେଶ୍ୱର ସହିଦନଗର ସ୍ଥିତ ବାସଭବନରୁ ଉଠାଇ ନେଇଛି ଏବଂ ପୁଅ ମନୋରଞ୍ଜନ ଦାସକୁ ମଧ୍ୟ ଗିରଫ କରିଛି । ଏନେଇ କେନ୍ଦ୍ରାଞ୍ଚଳ ଆଇଜି ନରସିଂହ ଭୋଳ ପ୍ରେସମିଟ କରି ସୂଚନା ଦେଇଛନ୍ତି । ତେବେ ମାନସ ଦାସ ଗିରଫ ପରେ ତାଙ୍କର ସମର୍ଥକମାନେ ଖୋର୍ଦ୍ଧା ଏସପି କାର୍ଯ୍ୟାଳୟ ଘେରାଉ କରିଛନ୍ତି ।
ଏବଂ ମାନସ ଦାସକୁ ଛାଡିବା ପାଇଁ ଅଡି ବସିଥିଲେ । ଆଇନ ଶୃଙ୍ଖଳା ପରିସ୍ଥିତି ଉପୁଜିବା ନେଇ ଘଟଣାସ୍ଥଳରେ ୪ପ୍ଲାଟୁନ ଫୋର୍ସ ମୁତୟନ କରାଯାଇଛି । ଆଗରୁ ସତ୍ୟବ୍ରତ ହତ୍ୟା ମାମଲାରେ ୬ ଜଣକୁ ଗିରଫ କରାଯାଇ କୋର୍ଟ ଚାଲାଣ କରାଯାଇଥିଲା ,ଅଭିଯୁକ୍ତ ମାନଙ୍କ ମଧରୁ ପୋଲିସ ୩ ଜଣକୁ ଜେରା କରିବା ପରେ ମାନସ ଦାସ ର ସତ୍ୟବ୍ରତ ନାୟକ ହତ୍ୟା ଘଟଣାରେ ସମ୍ପୃକ୍ତି ନେଇ ଗିରଫ କରାଯାଇଥିବା ଜଣା ପଡିଛି । ଗିରଫ ପରେ ମାନସ ଦାସ ତାର ପୁଅକୁ ଡାକ୍ତରୀ ଯାଞ୍ଚ ପରେ ଏସଡିଜିଏମ କୋଟରେ ହାଜର କରାଯାଇ ଖୋର୍ଦ୍ଧା ଜେଲକୁ ପଠାଇ ଦିଆଯାଇଛି ।