ତାଲିବାନୀଙ୍କ ବର୍ବରତା
(ବଡ଼ ଖବର ବ୍ୟୁରୋ): ଆଫଗାନିସ୍ତାନ ଦଖଲ ପରେ ତାଲିବାନ ଆତଙ୍କ ବଢିବାରେ ଲାଗିଛି । ସେପଟେ ଚିନ ତାଲିବାନକୁ ସାଥ୍ ଦେଇଛି । ସମଗ୍ର ବିଶ୍ୱ ତାଲିବାନର କ୍ରୁରତା ଦେଖିଆସୁଛି । ହେଲେ ତାଲିବାନ ବାରମ୍ବାର ନିଜର ଛବିକୁ ଭଲ କରିବା ପାଇଁ ବିଭିନ୍ନ ପଦକ୍ଷେପ ସବୁ ନେଉଛି । ଏହା ମଧ୍ୟରେ ସାମ୍ନାକୁ ଆସିଛି ଏକ ଅଭାବନୀୟ ଘଟଣା । ଆଫଗାନିସ୍ତାନର ପୂର୍ବତନ ପ୍ରତିରକ୍ଷା ମନ୍ତ୍ରୀ ଅମରୁଲ୍ଲା ସାଲେହଙ୍କ ବଡ ଭାଇ ରୋହୁଲ୍ଲା ସାଲେହଙ୍କୁ ଅତି ବର୍ବର ଭାବେ ହତ୍ୟା କରିଛନ୍ତି ତାଲିବାନୀ ।
ତାଙ୍କୁ ଅକଥନୀୟ ନିର୍ଯ୍ୟାତନା ଦେବା ପରେ ପଂଜଶିର ଘାଟିରେ ହତ୍ୟା କରିଛନ୍ତି । ପ୍ରଥମେ ତାଙ୍କୁ ଇଲେକ୍ଟ୍ରି ତାରରେ ନିସ୍ତୁକ ମାଡ ମାରିବା ପରେ ତାଙ୍କ ଗଳା କାଟି ହତ୍ୟା କରାଯାଇଛି । ଏତିକିରେ ସରିଲାନି ତାଲିବାନୀଙ୍କ ନିଷ୍ଠୁରତା । ଯନ୍ତ୍ରଣାରେ ଛଟପଟ ହେଉଥିବା ରୋହୁଲ୍ଲା ସାଲେହଙ୍କ ଗଳା କାଟିବା ପରେ ଯନ୍ତ୍ରଣାରେ ଛଟପଟ ହେଉଥିଲେ ବି ତାଙ୍କ ଉପରକୁ ବାରମ୍ବାର ଗୁଳି ଚଳାଇଥିଲେ ତାଲିବାନୀ । ତାଙ୍କ ଶରୀର ସଢିବା ଉଚିତ ବୋଲି ଜଣେ ତାଲିବାନୀ କହୁଥିବା ତାଙ୍କ ଭଣଜା ଇବଦୁଲ୍ଲା ରଏଟର୍ସ ଗଣମାଧ୍ୟମକୁ କହିଛନ୍ତି ।
ସୂଚନା ମୁତାବକ, ରୋହୁଲ୍ଲା ସାଲେହ ତାଲିବାନୀଙ୍କ ସହ ଯୁଦ୍ଧ କରିବା ସମୟରେ ତାଲିବାନୀଙ୍କ ହାତରେ ଧରା ପଡିଯାଇଥିଲେ । ସେ ଥିବା ସ୍ଥାନକୁ ଘେରାଉ କରି ତାଙ୍କୁ ବନ୍ଦି କରିନେଇଥିଲେ ।