ଚାଷୀଙ୍କ ପାଣି ଶୋଷୁଛନ୍ତି ଠିକାଦାର

ଉମରକୋଟ(ବଡ଼ ଖବର ବ୍ୟୁରୋ): ଚାଷୀଙ୍କ ପାଣି ଶୋଷୁଛନ୍ତି ଠିକାଦାର । ସରକାରଙ୍କୁ ଜଳ କର ଦେଉଛନ୍ତି ଚାଷୀ । କିନ୍ତୁ ଟ୍ୟାଙ୍କର ଯୋଗେ ପାଣି ନେଇ ରାସ୍ତା କାମରେ ବ୍ୟବହାର କରୁଛନ୍ତି ଠିକାଦାର । ଉମରକୋଟ ଭାସ୍କେଲ କେନାଲ ମାଧ୍ୟମରେ ଦୋର୍ଗାଗୁଡ଼ା ଦେଇ ଚାଷୀଙ୍କ ଜମିଙ୍କୁ ପାଣି ଯାଏ । ଠିକାଦାର ଏହି ପାଣିକୁ ରାସ୍ତା କାମରେ ବ୍ୟବହାର କରୁଛନ୍ତି । ପୂର୍ବ ବିଭାଗର ଉମରକୋଟ ଠାରୁ ରାଇଘର ଯାଏ ରାସ୍ତା ନିର୍ମାଣ କାର୍ଯ୍ୟରେ ଏହି ପାଣି ବ୍ୟବହାର କରାଯାଉଛି । ଜଳ ସେଚନ ବିଭାଗର କିଛି ଅସାଧୁ କର୍ମଚାରୀ ଏଭଳି ବେନିୟମ କାର୍ଯ୍ୟରେ ସହଯୋଗ କରୁଥିବା ସନ୍ଦେହ କରାଯାଉଛି ।