ଲକ୍ଷ୍ମୀପୁର ହିଂସା ମାମଲା, କେନ୍ଦ୍ର ଉପରେ ବର୍ଷିଲେ ରାହୁଲ

ଲକ୍ଷ୍ନୌ(ବଡ଼ ଖବର ବ୍ୟୁରୋ): ଦିନକୁ ଦିନ ବଢ଼ୁଛି ୟୁପି ହିଂସା ମାମଲା । ଆଜି ଏହାକୁ ନେଇ କେନ୍ଦ୍ର ସରକାରଙ୍କ ଉପରେ ବର୍ଷିଛନ୍ତି କଂଗ୍ରେସ ନେତା ରାହୁଲ ଗାନ୍ଧି । ଏକ ସାମ୍ବାଦିକ ସମ୍ମିଳନୀ କରି ରାହୁଲ କହିଛନ୍ତି, ଗତ କିଛି ଦିନ ହେବ କୃଷକଙ୍କ ଉପରେ ସରକାର ଆକ୍ରମଣ କରୁଛନ୍ତି ।

କୃଷକ ମାନଙ୍କ ଉପରେ ଗାଡ଼ି ଚଢ଼ାଇ ସେମାନଙ୍କ ହତ୍ୟା କରାଯାଉଛି । ସେପଟେ ମନ୍ତ୍ରୀଙ୍କ ପୁଅ ଉପରେ ବି କୌଣସି କାର୍ଯ୍ୟାନୁଷ୍ଠାନ ନିଆଯାଉନି । ଏହାଛଡ଼ା ରାହୁଲ ଏହା ମଧ୍ୟ କହିଚନ୍ତି ଯେ, ଗତ କାଲି ମୋଦି ଲକ୍ଷ୍ନୌରେ ଥିଲେ ମଧ୍ୟ ସେଠାକୁ ଯିବାକୁ ଉଚିତ ଭନେ କଲେନି । ରାହୁଲ ଗାନ୍ଧିଙ୍କୁ ଲକ୍ଷ୍ମୀପୁର ଯିବାକୁ ଅନୁମତି ମିଳିନି । କିନ୍ତୁ ଆଜି ସେ ସେଠାକୁ ଯିବାକୁ ଚେଷ୍ଟା କରିବେ ବୋଲି କହିଛନ୍ତି ।