ଆଜିଠୁ ଗଞ୍ଜାମରେ ମିଳିବ କୋଭାକ୍ସିନ ଟିକା

ଗଞ୍ଜାମ (ବଡ଼ ଖବର ବ୍ୟୁରୋ): ଆଜିଠାରୁ ଗଞ୍ଜାମରେ ଦିଆଯିବ କୋଭାକ୍ସିନ ଟିକା । ରାଜ୍ୟରେ କେବଳ ଭୁବନେଶ୍ୱରରେ ଟିକା ଦିଆଯାଉଥିବା ବେଳେ ସୋମବାର ଠାରୁ ଗଞ୍ଜାମରେ ମଧ୍ୟ ଏହି ଟିକା ଦିଆଯିବ । ପ୍ରଥମ ଥର ପାଇଁ ଭୁବନେଶ୍ୱର ବାହାରେ କୋଭାକ୍ସିନ ଟିକା ଦିଆଯିବ । ରାଜ୍ୟରେ ୯ଲକ୍ଷ ୫୨ ହଜାର ୮୨୦ କୋଭିସିଲ୍ଡ ଟିକା ମହଜୁଦ ଥିବା ବେଳେ ୩ଲକ୍ଷ ୯୧ ହଜାର ୫୪୦ ଡୋଜ କୋଭାକ୍ସିନ ଟିକା ମହଜୁଦ ରହିଛି ।

୧୮ବର୍ଷରୁ ଉଦ୍ଧ୍ୱର୍ ବର୍ଗର ଯେଉଁମାନେ ପ୍ରଥମ ଡୋଜ ଟିକା ନେଇନାହାଁନ୍ତି ସେମାନଙ୍କୁ କୋଭାକ୍ସିନ ଟିକା ଦିଆଯିବ । ଶନିବାର ଜିଲ୍ଲାକୁ ୧ଲକ୍ଷ ୪୦ ହଜାର କୋଭାକ୍ସିନ ଓ ୮୫ ହଜାର ଡୋଜ କୋଭିସିଲ୍ଡ ଟିକା ଆସିଛି । ଟିକା ଅଭାବରୁ ଗଞ୍ଜାମ ଜିଲ୍ଲାର ଟିକାକରଣ ବନ୍ଦ ରହିଥିଲା । ଆଜିଠାରୁ ଗ୍ରାମାଞ୍ଚଳ ଓ ସହରାଞ୍ଚଳରେ ପୁଣି ଟିକାକରଣ କରାଯିବ ।