ବଡ଼ ଖବର ପକ୍ଷରୁ ପ୍ରୟାସ, କୁନି ପିଲାଙ୍କ ମୁହଁରେ ହସ
କୋଇଡ଼ା (ବଡ଼ ଖବର ବ୍ୟୁରୋ): ପବିତ୍ର ଦୀପାବଳିକୁ କରୋନା କଟକଣା ମଧ୍ୟରେ ପାଳନ କରାଯାଇଛି । ବାଣଫୁଟା ଉପରେ ଲାଗିଛି ସରକାରୀ ଅଙ୍କୁଶ । ବାୟୁ ପ୍ରଦୂଷଣ ଫଳରେ କରୋନା ସଂକ୍ରମଣ ବୃଦ୍ଧି ପାଇବା ଆଶଙ୍କା ଥିବାରୁ ବାଣଫୁଟା ଉପରେ ଜାରି କରାଯାଇଛି କଟକଣା । କରୋନା ତୃତୀୟ ଲହରରେ ଶିଶୁ ସଂକ୍ରମଣ ଆଶଙ୍କା ରହୁଥିବାରୁ ଏହାକୁ ଦୃଷ୍ଟି ରଖି ବଡ଼ ଖବର ପକ୍ଷରୁ କରାଯାଇଛି ନୂତନ ପ୍ରୟାସ । ବାଣ ନୁହେଁ, କୁନି ପିଲାଙ୍କ ମୁହଁରେ ହସଫୁଟାଇବା ଲକ୍ଷ୍ୟ ରଖି ଅଭିନବ ପ୍ରୟାସ କରାଯାଇଛି ।
ସୁନ୍ଦରଗଡ଼ ଜିଲ୍ଲା କୋଇଡା ବ୍ଲକର ଟେନସା ଠାରେ ‘ବଡ଼ ଖବର’ ପରିବାର ପକ୍ଷରୁ କୋଇଡା ବ୍ଲକ୍ ପ୍ରତିନିଧି ରାକେଶ ମହାନ୍ତି ଏବଂ ଟେନସା ଗ୍ରାମ ପଞ୍ଚାୟତ ସରପଞ୍ଚ ଅନିତା ପୂର୍ତ୍ତି , ବରିଷ୍ଠ ନାଗରିକ ଅକ୍ଷୟ ମହାନ୍ତି , ଲକ୍ଷ୍ମୀକାନ୍ତ ତ୍ରିପାଠୀ ପ୍ରମୁଖ ଉପସ୍ଥିତ ରହି ଆଜି ଟେନସାର ବିଭିନ୍ନ ବସ୍ତି ଅଞ୍ଚଳରେ ବାଣ ବଦଳରେ କୁନି କୁନି ପିଲାଙ୍କ ମୁହଁରେ ହସ ଫୁଟାଇବା ପାଇଁ ଲଡୁ ବଣ୍ଟନ କରିଥିଲେ ।
‘ବଡ଼ ଖବର’ ପରିବାର ତରଫରୁ କୁନି ମୁହଁରେ ହସ ଫୁଟାଇବା ପ୍ରାୟାସକୁ ଲୋକେ ସମର୍ଥନ କରିଥିଲେ । ସ୍ଥାନୀୟ ଅଞ୍ଚଳର ଜନସାଧାରଣ ଏଭଳି ପ୍ରୟାସର ଭୁରି ଭୁରି ପ୍ରଂଶସା କରିଥିଲେ । ବାଣଫୁଟାରୁ କୁନି କୁନି ପିଲାଙ୍କୁ ନିବୃତ ରଖିବା ଦିଗରେ ଏହି ପ୍ର୍ରୟାସ ବେଶ ସଫଳ ହୋଇଥିବା ଦେଖାଦେଇଥିଲା ।
