ଯେଉଁ ସରକାର ଗଠନ ହେବ ତାହା ସ୍ଥାୟୀ ନୁହେଁ: ଜବିଉଲ୍ଲା ମୁଜାହିଦ
(ବଡ଼ ଖବର ବ୍ୟୁରୋ): ଆଫଗାନିସ୍ତାନରେ ଯୁଦ୍ଧ ଶେଷ ହୋଇଛି । ଖୁବଶୀଘ୍ର ଏକ ନୂଆ ସରକାର ଗଠନ ହେବ । ଦେଶକୁ ପୁନଃନିର୍ମାଣ କରିବା ଦିଗରେ ଆମେ ସମସ୍ତେ ମିଳିମିଶି କାମ କରିବୁ ବୋଲି ତାଲିବାନ ମୁଖପାତ୍ର ଜବିଉଲ୍ଲା ମୁଜାହିଦ ସମ୍ବାଦିକ ସମ୍ମିଳନୀରେ କହିଛନ୍ତି । ଯେକୌଣସି ବ୍ୟକ୍ତି ଅସ୍ତ୍ର ଉଠାଇବ ତାକୁ ଦେଶ ଏବଂ ଲୋକଙ୍କର ଶତ୍ରୁ ବୋଲି ମନାଯିବ । ସରକାର ଗଠନ ଚୂଡ଼ାନ୍ତ ପର୍ଯ୍ୟାୟରେ ପହଞ୍ଚିଛି ।
ସରକାର ଗଠନ ଉତ୍ସବରେ ପାକିସ୍ତାନ, ତୁର୍କୀ, କତାର, ରୁଷ୍, ଚୀନ ଏବଂ ଇରାନକୁ ନିମନ୍ତ୍ରଣ କରିଥିବା ଜଣାପଡିଛି । ତେବେ ସୂଚନା ଅନୁସାରେ, ଯେଉଁ ସରକାର ଗଠନ ହେବ ତାହା ସ୍ଥାୟୀ ନୁହେଁ । ଏହା ମଧ୍ୟବର୍ତ୍ତୀକାଳୀନ ସରକାର ବେଲି କୁହାଯାଇଛି । ତାଲିବାନର ମୁଖପାତ୍ର କହିଛନ୍ତି, ନୂଆ ସରକାର ଘୋଷଣା ପାଇଁ ସେମାନେ ସମ୍ପୂର୍ଣ୍ଣ ପ୍ରସ୍ତୁତ । ତେବେ ନୂଆ ସରକାର ଘୋଷଣା ନେଇ କୌଣସି ତାରିଖ ଧାର୍ଯ୍ୟ ହୋଇନାହିଁ ।