ଲକ୍ଷ୍ନୌ(ବଡ଼ ଖବର ବ୍ୟୁରୋ): ଜାଲ ଡକ୍ୟୁମେଣ୍ଟ ଦେଖାଇ ଜମି ହଡପ କରୁଥିଲେ ମନ୍ତ୍ରୀ । ପରେ ଧରା ପଡିଲେ । ଉତ୍ତରପ୍ରଦେଶର ବୁଲାନ୍ଦସହରରେ ଏକ ସ୍ୱତନ୍ତ୍ର ଅଦାଲତ ପରିବେଶ, ଜଙ୍ଗଲ ଏବଂ ଜଳବାୟୁ ପରିବର୍ତ୍ତନ ମନ୍ତ୍ରୀ ଅନିଲ ଶର୍ମାଙ୍କୁ ଏହି ମାମଲାରେ ଦୋଷୀ ସାବ୍ୟସ୍ତ କରିଛନ୍ତି । ଜାଲ କାଗଜ ପତ୍ର ଆଧାରରେ ଏକ ଘରୋଇ କାରଖାନରେ ଜମିକୁ ବେଆଇନ ଭାବେ ହଡପ କରିଥିବା ଅଭିଯୋଗ ହୋଇଛି । ତେବେ ଏ ନେଇ ତାଙ୍କୁ କୋର୍ଟର ଅତିରିକ୍ତ ସେସନ୍ସ ଜଜ୍ (ଏଡିଜେ) ଦୋଷୀ ସାବ୍ୟସ୍ତ କରିଛନ୍ତି ।
ନଭେମ୍ବର ୧୦ରେ ବ୍ୟକ୍ତିଗତ ଭାବେ କୋର୍ଟରେ ହାଜର ହେବାକୁ ତାଙ୍କୁ ନୋଟିସ ମିଳିଛି । ଅକ୍ଟୋବର ୧୬ରେ ସ୍ୱତନ୍ତ୍ର ସାଂସଦ-ବିଧାୟକ ଅଦାଲତର ଏଡିଜେ ରାମ ପ୍ରତାପ ସିଂହଙ୍କ ଦ୍ୱାରା ଏହି ନିର୍ଦ୍ଦେଶ ଜାରି କରାଯାଇଛି । ଏହି ମାମଲା ସାମ୍ନାକୁ ଆସିବା ପରେ ଆଇପିସିର ଧାରା ୪୨୦, ୪୮୬ ଏବଂ ୪୭୧ ଅନୁଯାୟୀ ମନ୍ତ୍ରୀଙ୍କ ବିରୋଧରେ ମାମଲା ରୁଜୁ କରିବାକୁ କୋର୍ଟ ନିର୍ଦ୍ଦେଶ ଦେଇଛନ୍ତି । ଆଭିଯୋଗକାରୀଙ୍କ କହିବା ମୁତାବକ, ତାଙ୍କ କୋଟି କୋଟି ଟଙ୍କାର ଜମିର ନାଁରେ ମନ୍ତ୍ରୀ ଜାଲ ଡକ୍ୟୁମେଣ୍ଟ ତିଆରି କରି ଜାଲିଆତି କରିଛନ୍ତି । ତେବେ ଏ ନେଇ ମନ୍ତ୍ରୀଙ୍କ ବିରୋଦ୍ଧରେ କଡା କାର୍ଯ୍ୟାନୁଷ୍ଠାନ ନିଆଯାଉ ବୋଲି ସେ ଦାବି କରିଛନ୍ତି ।
