ପୋଲିସ ଗୁଳିରେ ମାଓବାଦୀ ନିହତ

ବରଗଡ (ବଡ ଖବର ବ୍ୟୁରୋ): ବରଗଡର ପଦମପୁରରେ ଏନକାଂଉଟର । ପଦମପୁରର ଝାଞ୍ଜ ସଂରକ୍ଷିତ ଜଙ୍ଗଲରେ ଏସଓଜି ଓ ପୁଲିସର ମିଳିତ ଅପରେସନ ବେଳେ ଏହି ଏନକାଂଉଟର ହୋଇଛି । ପୋଲିସ-ମାଓବାଦୀ ଗୁଳିବିନିମୟରେ ଜଣେ କ୍ୟାଡର ମାଓବାଦୀ ନିହତ ହୋଇଛି । ବରଗଡର ଘେଁସ ବନଖଣ୍ଡ ଅଂଚଳରେ ଘଟିଛି ଏଭଳି ଘଟଣା । ଜବାବି ହାମଲାରେ ଜଣେ ମାଓବାଦୀ ନିହତ । ନିହତ ମାଓବାଦୀ ସିନିୟର କ୍ୟାଡରର ହୋଇଥିବା ଜଣାପଡିଛି । ଭଂଞ୍ଜଗୁଡା ନିକଟ ଝାଞ୍ଜ ଜଙ୍ଗଲରେ ନିହତ ହୋଇଛି ମାଓବାଦୀ । ଘଟଣାସ୍ଥଳରୁ ମାରଣାସ୍ତ୍ର ସହ ଏକ-୪୭ ରାଇଫଲ , ମାଗାଜିନ ଜବତ ହୋଇଛି । ଯାହାକୁ ନେଇ ସାମ୍ବାଦିକ ଲମ୍ମିଲନୀରେ ସୂଚନା ଦେଇଛନ୍ତି ଡିଜିପି ଅଭୟ । ତେବେ ମୃତ ମାଓବାଦୀଙ୍କ ପରିଚୟ ମିଳିପାରି ନାହିଁ । ଏବେ ଘଟଣା ସ୍ଥଳରେ ସର୍ଚ୍ଚ ଅପରେସନ୍ ଜାରି ରହିଛି । ଅନ୍ୟପଟେ ମାଓବାଦୀମାନେ ଯଦି ସମାଜର ମୁଖ୍ୟସ୍ତ୍ରୋତକୁ ଫେରୁବାକୁ ଚାହିଁଲେ ସେମାନଙ୍କୁ ସ୍ୱାଗତ କରାଯିବା ସହ ସମାନଙ୍କ ପାଇିଁ ବିଭିନ୍ନ ଯୋଜନା କରାଯାଇଛି ବୋଲି ଡିଜି ଅଭୟ କହିଛନ୍ତି ।