ବଦଳିଲା ନେହରୁ ମେମୋରିଆଲ ମ୍ୟୁଜିୟମର ନାଁ, କେନ୍ଦ୍ର ସରକାରଙ୍କୁ ଟାର୍ଗେଟ କଲା କଂଗ୍ରେସ

ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଭାରତର ପ୍ରଥମ ପ୍ରଧାନମନ୍ତ୍ରୀ ଜବାହାରଲାଲ ନେହରୁଙ୍କ ନାମରେ ନାମିତ ନେରୁ ମ୍ୟୁଜିୟମ ମେମୋରିଆଲ ଏବଂ ଲାଇବ୍ରେରୀକୁ ପ୍ରାଇମମିନିଷ୍ଟର ମ୍ୟୁଜିୟମ ଆଣ୍ଡ ଲାଇବ୍ରେରୀ ଭାବରେ ନାମିତ କରାଯାଇଛି । ଏହା ତିନି ମୂର୍ତ୍ତି ହାଉସ୍ କମ୍ପ୍ଲେକ୍ସ ମଧ୍ୟରେ ଅବସ୍ଥିତ । ୧୯୬୪ରେ ଭାରତର ପ୍ରଥମ ପ୍ରଧାନମନ୍ତ୍ରୀ ଜବାହାରଲାଲ ନେହରୁଙ୍କ ମୃତ୍ୟୁ ପରେ ଏହା ପ୍ରତିଷ୍ଠିତ ହୋଇଥିଲା । ନେହରୁ ମେମୋରିଆଲ ନାମକୁ ବଦଳାଇଥିବାରୁ ମୋଦି ସରକାରଙ୍କୁ ଟାର୍ଗେଟ କରିଛି କଂଗ୍ରେସ । ଏହା ମୋଦି ସରକାରଙ୍କ ଛୋଟ ମନଭାବ ଓ ପ୍ରତିଶୋଧର ଦ୍ୱିତୀୟ ନାମ ବୋଲି କହିଛନ୍ତି ବରିଷ୍ଠ କଂଗ୍ରେସ ନେତା ଜୟରାମ ରମେଶ । ନେହରୁ ସଂଗ୍ରହାଳୟ ମେମୋରିଆଲ ଏବଂ ଲାଇବ୍ରେରୀର ନାମକୁ ବଦଳାଇ ପ୍ରାଇମିନିଷ୍ଟର ମ୍ୟୁଜିୟମ ଆଣ୍ଡ ଲାଇବ୍ରେରୀ ଭାବେ ନାମକରଣ କରିବାକୁ ଏକ ବୈଠକରେ ନିଷ୍ପତ୍ତି ହୋଇଥିଲା । ଏଥିରେ ରକ୍ଷାମନ୍ତ୍ରୀ ରାଜନାଥ ସିଂ ଅଧକ୍ଷ୍ୟତା କରିଥିଲେ ।