ବିଲ ଭିତରୁ ବୃଦ୍ଧାଙ୍କ ମୃତଦେହ ଉଦ୍ଧାର

(ବଡ଼ ଖବର ବ୍ୟୁରୋ):   ବୃଦ୍ଧାଙ୍କ ଗୋଡ ହାତ ବନ୍ଧା ହୋଇଥିବା ମୃତଦେହ ଉଦ୍ଧାର ହୋଇଛି । ଏଭଳି ଏକ ଅଭାବନୀୟ ଘଟଣା ଗଂଜାମ ଜିଲ୍ଲା ଦିଗପହଣ୍ଡି ବ୍ଲକ କ.ନୂଆଗା ଥାନା ଅନ୍ତର୍ଗତ ଖମାରିଗାଁରେ ଘଟିଛି । ତେବେ ବୃଦ୍ଧାଙ୍କୁ ହତ୍ୟା କରାଯାଇଥିବା ସନ୍ଦେହ କରାଯାଉଛି । ବୃଦ୍ଧା ଜଣଙ୍କ ହେଲେ ପଡୋଶୀ ଗଜପତି ଜିଲ୍ଲା ଆର ଉଦୟଗିରି ଥାନା ପୁରୁଣାପାଣି ପୁରବା ଗାଁର ଦୁଃଖୀ ଦଳେଇ ।

ତେବେ ବୃଦ୍ଧାଙ୍କ ବୟସ ୭୦ ବର୍ଷ ହେବ । ଖବର ଆନୁଯାୟୀ, ସେ ଗତକାଲି ତାଙ୍କର ଜଣେ ସମ୍ପର୍କୀୟଙ୍କ ସହ ଖମାରି ଗାଁକୁ କୌଣସି କାମ ପାଇଁ ଯାଇଥିଲେ । ତେବେ ରାତିସାରା ତାଙ୍କ ଖୋଜ ଖବର ନଥିବାରୁ ତାଙ୍କ ପରିବାର ଲୋକେ ଏ ନେଇ ଖୋଜିଖୋଜି ଆରମ୍ଭ କରିଥିଲେ । ପରେ ତାଙ୍କ ମୃତଦେହ ଆଜି ଗାଁ ଠାରୁ ପ୍ରାୟ ୩ଶହ ମିଟର ଦୂରରେ ପଡିଥିଲା ।

ମୃତଦେହଟି ବିଲ ଭିତରେ ଅର୍ଦ୍ଧ ନଗ୍ନ ଅବସ୍ଥାରେ ଉଦ୍ଧାର ହୋଇଛି । ବୃଦ୍ଧାଙ୍କ ଗୋଡ ହାତକୁ ବାନ୍ଧି ଦେଇ ବେକରେ ଗାମୁଛା ବାନ୍ଧି ଦେଇ ବିଲରେ ପକାଯାଇଛି । ତେବେ ବୃଦ୍ଧାଙ୍କୁ ହତ୍ୟା କରାଯାଇଥିବା ସନ୍ଦେହ କରାଯାଉଛି । ଖବର ପାଇ ଘଟଣାସ୍ଥଳରେ ପୋଲିସ ପହଞ୍ଚିଛି । ମୃତଦେହକୁ ଜବତ କରି ଶବ ବ୍ୟବଚ୍ଛେଦ ପାଇଁ ପଠାଯାଇଛି । ତେବେ ବୃଦ୍ଧା ଜଣଙ୍କୁ ହତ୍ୟା କରି ଏଠାରେ କିଏ ପକାଇଲା ତାହାକୁ ନେଇ ଏବେ ପ୍ରଶ୍ନ ଉଠିଛି ।