ମେଡାଲକୁ ୧୫ ଟଙ୍କା କହୁଥିବା ଲୋକ ଏବେ ଆମ ଚାକିରି ପଛରେ ପଡିଛନ୍ତି: ସାକ୍ଷୀ ମଲିକ

ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଆମ ମେଡାଲକୁ ୧୫ ଟଙ୍କା କହୁଥିବା ଲୋକ ଏବେ ଆମ ଚାକିରି ପଛରେ ପଡିଛନ୍ତି । ଜୀବନ ଆଗରେ ଚାକିରି କିଛି ନୁହେଁ । ଯଦି ଚାକିରି ନ୍ୟାୟର ରାସ୍ତାରେ ଆସିବ ତାହେଲେ ଚାକିରି ଛାଡିବାକୁ ୧୦ ସେକେଣ୍ଡ ଲାଗିବନି । ଏଭଳି କହିଛନ୍ତି ରେସଲର ସାକ୍ଷୀ ମଲିକ । ଜନ୍ତରମନ୍ତରରୁ ବହିଷ୍କୃତ ହେବା ପରେ କୁସ୍ତିଯୋଦ୍ଧାମାନେ ଆନେ୍ଦାଳନରୁ ଓହରି ଯାଇଥିବା ଏବଂ ନିଜ ନିଜ କାମକୁ ଫେରିଥିବା କୁହାଯାଉଛି । କିନ୍ତୁ ଏହାକୁ ପ୍ରତ୍ୟାଖାନ କରିଛନ୍ତି ରେସଲର ସାକ୍ସି ମଲିକ । ସେ ଏହି ଖବରକୁ ମିଥ୍ୟା ବୋଲି କହିଛନ୍ତି । ସାକ୍ସି କହିଛନ୍ତି ମୁଁ ରେଳବାଇରେ ମୋ କର୍ତ୍ତବ୍ୟ ପାଳନ କରୁଛି । କିନ୍ତୁ ଆମ ଭିତରୁ କେହି ବି ଆନେ୍ଦାଳନରୁ ଓହରି ନାହାନ୍ତି । ନ୍ୟାୟ ନମିଳିବା ଯାଏଁ ଆନେ୍ଦାଳନ ଜାରି ରହିବ ବୋଲି କହିଛନ୍ତି ରେସଲର ସାକ୍ସି ମଲିକ । ସାକ୍ସି ଟ୍ୱିଟ କରି ଏହି ଖବରକୁ ଗୁଜବ ବୋଲି କହିଛନ୍ତି ।

हमारे मेडलों को 15-15 रुपए के बताने वाले अब हमारी नौकरी के पीछे पड़ गये हैं.

हमारी ज़िंदगी दांव पर लगी हुई है, उसके आगे नौकरी तो बहुत छोटी चीज़ है.

अगर नौकरी इंसाफ़ के रास्ते में बाधा बनती दिखी तो उसको त्यागने में हम दस सेकेंड का वक्त भी नहीं लगाएँगे. नौकरी का डर मत दिखाइए.

— Sakshee Malikkh (@SakshiMalik) June 5, 2023

ସୂଚନା ଅନୁସାରେ ଉତ୍ତର ରେଳ ମୁଖ୍ୟାଳୟର ରେକର୍ଡରୁ ରିଓ ଅଲିମ୍ପିକର ବ୍ରୋଞ୍ଜ ବିଜେତା ସାକ୍ସି ମଲିକ ମେ ୩୧ରେ ବରୋଦା ହାଉସ କାର୍ଯ୍ୟାଳୟରେ ନିଜ କାମକୁ ଫେରିଛନ୍ତି । ରେସଲର ବଜରଙ୍ଗ ପୁନିଆ ମଧ୍ୟ ଏହି ଖବର ଉପରେ ନିଜର ପ୍ରତିକ୍ରିୟା ରଖିଛନ୍ତି, ସେ କହିଛନ୍ତି ଆମେ ଆନେ୍ଦାଳନରୁ ପଛଘୁଂଚା ଦେଇନାହୁଁ । ଆମକୁ କ୍ଷତି ପହଂଚାଇବା ପାଇଁ ଏଭଳି ଖବର ପ୍ରଚାର କରାଯାଉଛି । ଆମେ ଶାନ୍ତିପୂର୍ଣ୍ଣ ଭାବରେ ଆନେ୍ଦାଳନ କରୁଛୁ । ଗୃହମନ୍ତ୍ରୀ ଅମିତ ଶାହାଙ୍କୁ ଭେଟିବା ପରେ ସାକ୍ସି କହିଛନ୍ତି କୌଣସି ସମାଧାନ ହୋଇପାରିନାହିଁ । ଅଭିଯୁକ୍ତକୁ ଗିରଫ ନକରିବା ପର୍ଯ୍ୟନ୍ତ ଆମର ଆନେ୍ଦାଳନ ଜାରି ରହିବ ।