ରାସ୍ତା ପାଲଟିଛି ମରଣଯନ୍ତା
ଚାନ୍ଦବାଲି (ବଡ଼ ଖବର ବ୍ୟୁରୋ): କୃତ୍ରିମ ନଦୀ ପାଲଟିଛି ଗଦି ପଞୁଟିକ୍ରି ରାସ୍ତାର ତୋଟାପଡା ଛକ । ରାଜ୍ୟ ସରକାର ବିକାଶର ନାରା ଦେଉଥିବାବେଳେ ଏମିତି ଏକ ଚିତ୍ର ଦେଖିବାକୁ ମିଳିଛି ଭଦ୍ରକ ଜିଲ୍ଲା ଚାନ୍ଦବାଲି ବ୍ଲକ ଗଦି ପଞୁଟିକ୍ରିକୁ ଯାଇଥିବା ରାସ୍ତା ତୋଟାପଡା ଛକ ନିକଟରେ ।ଏହି ରାସ୍ତା ଦେଇ ପ୍ରତ୍ୟେକ ଦିନ ହଜାର ହଜାର ଲୋକ ଏବଂ ଗାଡି ଯିବା ଆସିବା କରନ୍ତି ।
ସମସ୍ତ ସ୍କୁଲ କଲେଜକୁ ଯିବାଆସିବା ପାଇଁ ଏହା ମୁଖ୍ୟରାସ୍ତା ହେଲେ ଯିବାଆସିବା କରିବା ପାଇଁ ବହୁତ ଅସୁବିଧାରେ ସମ୍ମୁଖୀନ ହେଉଥିବା ଦେଖିବାକୁ ମିଳୁଛି । ରାସ୍ତା ଏବେ ମରଣଯନ୍ତା ପାଲଟିଛି । ଏହି ରାସ୍ତାରେ ପାଣି ନିଷ୍କାସନର ବ୍ୟବସ୍ଥା ନଥିବାରୁ ରାସ୍ତାରେ ପାଣି ଜମି ରହୁଛି । ଫଳରେ ଅଞ୍ଚଳବାସୀ ବିଭିନ୍ନ ରୋଗରେ ଆକ୍ରାନ୍ତ ହେଉଥିବା ମଧ୍ୟ ନଜରକୁ ଆସିଛି ।
ଲୋକମାନେ ଯିବା ଆସିବା ସମୟରେ ଦୁର୍ଘଟଣାର ଶିକାର ହେଉଛନ୍ତି। ସରକାରୀବାବୁମାନଙ୍କୁ ଯେତେ ଗୁହାରି କଲେ ମଧ୍ୟ ସେମାନେ କର୍ଣ୍ଣପାତ କରୁନଥିବା ଅଭିଯୋଗ କରିଛନ୍ତି ଅଞ୍ଚଳବାସୀ। କେବେ ବିଧାୟକ ଏହି ଅଞ୍ଚଳର ରାସ୍ତାକୁ ନଜର ଦେବା ସହିତ ମରାମତି କାର୍ଯ୍ୟ କରିବେ ତହା ଦେଖିବାକୁ ବାକି ରହିଲା।
