ପାକିସ୍ତାନରେ ପରମାଣୁ ବୋମା ବିକ୍ରି କରିବାର ଟାଇମ ଆସିଗଲାଣି…କେତ୍ରା ମିଳୁ ନାହାନ୍ତି: ମୋଦି
ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ପାକିସ୍ତାନରେ ଆଣବିକ ବୋମାକୁ ନେଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ବଡ଼ ବୟାନ । କହିଛନ୍ତି ପାକିସ୍ତାନରେ ପରମାଣୁ ବୋମା ବିକ୍ରୀ କରିବାର ସମୟ ପାଖେଇ ଆସିଗଲାଣି । ଶନିବାର କଂଗ୍ରେସ ନେତା ମଣି ଶଙ୍କର ଆୟାରଙ୍କ ‘ପାକିସ୍ତାନରେ ଆଣବିକ ବୋମା ଅଛି’ ବୟାନକୁ ନେଇ ଏଭଳି କହିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ସେ କହିଛନ୍ତି ଯେ କଂଗ୍ରେସ ବାରମ୍ବାର ନିଜ ଦେଶକୁ ଭୟଭୀତ କରିବାକୁ ଚେଷ୍ଟା କରୁଛି, ସାବଧାନ ରୁହ, ପାକିସ୍ତାନରେ ପରମାଣୁ ବୋମା ଅଛି।
ପ୍ରଧାନମନ୍ତ୍ରୀ ଆହୁରି କହିଛନ୍ତି ଯେ ଆଜି ପାକିସ୍ତାନର ଅବସ୍ଥା ଏପରି ଯେ ବର୍ତ୍ତମାନ ସେ ବୋମା ବିକ୍ରି କରିବାର ପରିସ୍ଥିତି ଆସିଛି, କିନ୍ତୁ ଏଥିପାଇଁ କୌଣସି କ୍ରେତା ମିଳୁନାହାନ୍ତି। ମଣି ଶଙ୍କର ଆୟାର ଏକ ସାକ୍ଷାତକାରରେ କହିଥିଲେ ଯେ ପାକିସ୍ତାନରେ ପରମାଣୁ ବୋମା ଅଛି। ଆମ ପାଖରେ ମଧ୍ୟ ବୋମା ଅଛି, କିନ୍ତୁ ଯଦି କେହି ଲାହୋର ଉପରେ ବୋମା ପକାନ୍ତି, ତେବେ ବିକିରଣ ୮ ସେକେଣ୍ଡରେ ଅମୃତସରରେ ମଧ୍ୟ ପହଞ୍ଚିପାରେ। ପାକିସ୍ତାନକୁ ସମ୍ମାନର ସହ ବ୍ୟବହାର କରିବା କର ବୋଲି କହିଥିଲେ ।