ଜମିବାଡ଼ିକୁ କେନ୍ଦ୍ର କରି ଦାଦାକୁ ହାଣିଲା ପୁତୁରା
ଗଞ୍ଜାମ (ବଡ଼ ଖବର ବ୍ୟୁରୋ): ଜମିବାଡ଼ି ବିବାଦକୁ କେନ୍ଦ୍ର କରି ଦାଦାକୁ ହାଣିଲା ପୁତୁରା । ଦୁଇ ଅଭିଯୁକ୍ତ ଗିରଫ । ଗଞ୍ଜାମ ଜିଲ୍ଲାର ସୋରଡା ଥାନା ସୋରିଶବିଲି ଗ୍ରାମରେ ଘଟିଛି ଅଘଟଣ। ସୋରିଶବିଲି ଗ୍ରାମର କନ୍ଧ ସ୍ୱାଇଁଙ୍କ ଦୁଇଟି ପୁଅ ଗତ ଦୁଇଦିନ ତଳେ ଜମିବାଡ଼ିକୁ କେନ୍ଦ୍ର କରି ଉଭୟଙ୍କ ମଧ୍ୟରେ ବଚସା ହୋଇଥିଲେ। ଏହି ବଚସା ଏତେ ଉଗ୍ରରୂପ ନେଇଥିଲା ଯେ ତ୍ରିନାଥଙ୍କ ଦୁଇ ପୁଅ ରାଜେନ୍ଦ୍ର ଓ ରୋସନ୍ ଉତକ୍ଷିପ୍ତ ହୋଇ ଦାଦା ପଣ୍ଡା ସ୍ବାଇଁଙ୍କ ଉପରକୁ ମାରଣାଅସ୍ତ୍ରରେ ଆକ୍ରମଣ କରିଥିଲେ ।
ପଣ୍ଡାଙ୍କୁ ଗୁରୁତର ଅବସ୍ଥାରେ ପ୍ରଥମେ ସୋରଡା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ଓ ପରେ ବ୍ରହ୍ମପୁର ଏମକେସିଜିକୁ ସ୍ଥାନାନ୍ତର କରାଯାଇଥିଲା । ଅବସ୍ଥା ଗୁରୁତର ହେବାରୁ ତାଙ୍କୁ କଟକ ମେଡିକାଲ ନିଆଯାଇଥିଲା । ଗତକାଲି ରାତିରେ ପଣ୍ଡା ମୃତୁ୍ୟ ବରଣ କରିଥିଲେ । ସୋରଡା ପୋଲିସ ଘଟଣା ତଦନ୍ତ କରି ଦୁଇ ଜଣକୁ ଗିରଫ କରି କୋର୍ଟ ଚାଲାଣ କରିଛି।