ପୋଖରୀରେ ବୁଡି ଛାତ୍ର ମୃତ
କନ୍ଧମାଳ (ବଡ଼ ଖବର ବ୍ୟୁରୋ): ବାଲିଗୁଡା କ.ନୂଆଗାଁ ଥାନା ଅନ୍ତଗର୍ତ ସିର୍ତ୍ତିଗୁଡା ଗ୍ରାମର ବିନୋଦ ପ୍ରଧାନଙ୍କ ଆଠ ବର୍ଷର ପୁଅ ଶୁଭଜିତ ପ୍ରଧାନ ପୋଖରୀରେ ବୁଡି ମୃତ୍ୟୁ ବରଣ କରିଛନ୍ତି । ଶୁଭଜିତ ପ୍ରଧାନ ସିର୍ତ୍ତଗୁଡା ପ୍ରାଥମିକ ବିଦ୍ୟାଳୟରେ ଚତୁର୍ଥ ଶ୍ରେଣୀରେ ପଢୁଥିଲେ । ଖରାଛୁଟିରେ ମାମୁଁ ଘରକୁ ବୁଲି ଯାଇଥିବା ବେଳେ ଆଜି ସକାଳୁ ମାମୁଘର ଗାଁ ପୋଖରୀକୁ ଗାଧୋଇବା ପାଇଁ ଯାଇଥିଲେ । ଗାଧୋଇବା ବେଳେ ପୋଖରୀର ଗଭୀର ପାଣିରେ ବୁଡି ଯାଇଥିଲେ ଶୁଭଜିତ, ତାଙ୍କୁ ଉଦ୍ଧାର କରି ନୂଆଗାଁ ସ୍ୱାସ୍ଥ୍ୟକେନ୍ଦ୍ରକୁ ଅଣାଯାଇଥିଲା । କିନ୍ତୁ କ.ନୂଆଗାଁ ସ୍ୱାସ୍ଥ୍ୟକେନ୍ଦ୍ରରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ଏନେଇ ସାର ପରିବାରରେ ଶୋକ ଖେଳି ଯାଇଛି ।