ଅସୁସ୍ଥ ନରସିଂହ ମିଶ୍ର

ଭୁବନେଶ୍ୱର(ବଡ଼ ଖବର ବ୍ୟୁରୋ): ବରିଷ୍ଠ କଂଗ୍ରେସ ନେତା ନରସିଂହ ମିଶ୍ର ଅସୁସ୍ଥ । ଆଜି କଂଗ୍ରେସର ରାଲି ବେଳେ ସେ ହଠାତ ଅସୁସ୍ଥ ହୋଇପଡ଼ିଥିଲେ । ଖୋଲା ଜିପରେ ସେ ଓ ପିସିସି ସଭାପତି ତ୍ରିରଙ୍ଗା ରାଲିରେ ଯାତ୍ରା କରୁଥିଲେ । ସେହି ସମୟରେ ନରସିଂହ ଅସୁସ୍ଥ ହୋଇପଡ଼ିଥିଲେ । ତାଙ୍କୁ ତୁରନ୍ତ ହସ୍ପିଟାଲରେ ଭର୍ତ୍ତି କରାଯାଇଥିଲା । ତେବେ ନରସିଂହ ଏବେ ସୁସ୍ଥ ଥିବା କହିଛନ୍ତି ପିସିସି ସଭାପତି ନିରଂଜନ ପଟ୍ଟନାୟକ । ନରସିଂହଙ୍କ ହାଇ ଡାଇବେଟିସ୍ ରହିଛି । ଆଜି ସକାଳୁ ସେ ଲମ୍ବା ଯାତ୍ରା କରି ବଲାଙ୍ଗିରରୁ ଭୁବନେଶ୍ୱର ଆସିଛନ୍ତି । ଏହା ସହ ଘଣ୍ଟାଏ ପାଖାପାଖି ରାଲିରେ ଖରାରେ ଛିଡ଼ା ହୋଇଛନ୍ତି । ସେଥିଲାଗି ସେ ଦୁର୍ବଳ ହୋଇପଡ଼ିଥିଲେ । ଏବେ କିନ୍ତୁ ସଂପୂର୍ଣ୍ଣ ଠିକ୍ ଥିବା ନିରଞ୍ଜନ କହିଛନ୍ତି ।