ମହିଳାଙ୍କ ଉପରେ ମାଡିଗଲା ଟ୍ରକ, ମହିଳା ମୃତ

ସୋରଡା(ବଡ଼ ଖବର ବ୍ୟୁରୋ): ଗଞ୍ଜାମ ଜିଲ୍ଲା ସୋରଡା ଥାନା ପାଲକାଟୁ ଗ୍ରାମ ଛକଠାରେ ମର୍ମନ୍ତୁତ ସଡ଼କ ଦୁର୍ଘଟଣା ହୋଇଛି । ମହିଳାଙ୍କ ଉପରେ ମାଡ଼ିଗଲା ଟ୍ରକ୍ ମହିଳା ମୃତ । ମୃତକ ଜଣକ ହେଲେ ଗାଙ୍ଗପୁର ଥାନା ସୋମନାଥ ପଲ୍ଲୀ ଗ୍ରାମର ବୁଟିବା ରାଣୀ ବୟସ ୬୦ । ସୂଚନା ମୁତାବକ ବୁଟିବା ନିଜ ଗ୍ରାମରୁ ପ୍ରତିଦିନ ପାଲକାଟୁ ଗ୍ରାମକୁ ତଳେ ପଡିଥିବା ବୋତଲ ଗୋଟାଇବା ପାଇଁ ଆସନ୍ତି।

ପ୍ରତିଦିନ ଭଳି ଆଜି ସେ ସକାଳୁ ଆସି ବୋତଲ ଗୋଟାଉଥିବା ବେଳେ ଏକ ଟ୍ରକ୍ ଭଞ୍ଜନଗରରୁ ସିମେଣ୍ଟ ବୋଝେଇ କରି କେଶରା ଗ୍ରାମକୁ ଯାଉଥିବା ବେଳେ ପାଲକାଟୁ ଛକଠାରେ ହଠାତ୍ ମହିଳାଙ୍କ ଉପରେ ଟ୍ରକ୍ ଟି ମାଡ଼ିଯାଇଥିଲା । ଯାହାଫଳରେ ଘଟଣା ସ୍ଥଳରେ ହିଁ ମହିଳାଙ୍କ ମୃତ୍ୟୁ ହୋଇଯାଇଥିଲା । ସ୍ଥାନୀୟ ଲୋକଙ୍କଠାରୁ ସୂଚନା ପାଇ ଘଟଣା ସ୍ଥଳରେ ପୋଲିସ ପହଞ୍ଚି ଟ୍ରକ୍ ଡ୍ରାଇଭରକୁ ଅଟକ ରଖି ପଚରାଉଚରା କରିବା ସହ ଘଟଣାର ଅଧିକ ତଦନ୍ତ କରୁଛି ।