ଗାଁ ପାଖରେ ଦିଶିଲା ବାଘ, ଭୟଭୀତ ଗ୍ରାମବାସୀ

ନୂଆପଡ଼ା(ବଡ଼ ଖବର ବ୍ୟୁରୋ): ପୁଣି ନୂଆପଡ଼ାରେ ଦିଶିଲା ବାଘ । ମୋବାଇଲ କ୍ୟାମେରାରେ କଏଦ ହେଲା ବାଘର ଭିଡିଓ । ନୂଆପଡା ରେଞ୍ଜ ଧରମବନ୍ଧା ସେକ୍ସନର ସିଲାରିବାହାରା ଗାଁରେ ବାଘ ଦେଖିବାକୁ ମିଳିଛି। ଗାଁ ଲୋକେ ଆଜି ସକାଳୁ ଗାଁ ନିକଟରେ ବାଘ ବୁଲୁଥିବା ଦେଖିଛନ୍ତି। ଲୋକେ ବାଘର ଭିଡିଓ ମଧ୍ୟ ନେଇଛନ୍ତି।

କିଛିଦିନ ହେଲା ନୂଆପଡ଼ାରେ ବାଘ ଆତଙ୍କ ଦେଖା ଦେଇଥିବା ବେଳେ ପ୍ରଥମ ଥର ପାଇଁ ଲୋକଙ୍କ ମୋବାଇଲରେ ବାଘର ଭିଡିଓ କଏଦ ହୋଇଛି। ପ୍ରତ୍ୟେକ୍ଷଦର୍ଶୀଙ୍କ କହିବା ଅନୁସାରେ ସକାଳୁ ସକାଳୁ ଲୋକେ ଘରୁ ବାହାରିବା ବେଳେ ବାଘ ଗୋଟିଏ ଗଛ ତଳେ ବସିଥିବା ଦେଖିବାକୁ ପାଇଥିଲେ। ପାଖାପାଖି ଆହୁରି ବାଘ ଥାଇପାରନ୍ତି ବୋଲି ଲୋକେ ସନ୍ଦେହ କରିଛନ୍ତି। ଲୋକେ ଭୟଭୀତ ଅଵସ୍ଥାରେ ଅଛନ୍ତି।